هممم

​

مرات اسئل نفسي شنو الهدف الحقيقي ورا هذا الشي المتطور بايدنا هل هو لصالحنا او لا ؟

واذا لصالحنا ليش كل سنه يطلع ابحاث وامراض جديه لكثرة استخدام الموبايل؟

هو طبعا حسب استخدام الفرد اذا چان ايجابي فيعكسها على نفسة والعكس صحيح

بس كل فترة يطلعلي فيديوهات عن اليهود واشلون حتى اجهزتهم مختلفة عنا يعني مرة شفت واحد يخابر المشكلة وين المشكلة انه الموبايل الي بيده غير عن موبايلنا (جانت نوع قديم من هاي الي تنسد مثل نوكيا قبل او يسموها فيلب)

قريت بعض التعليقات وهذا جان رائيهم:

1هما انطونا هذا المتطور حتى يسحبون معلوماتنا

2مفيش حاجة تخترع لينا مجانا اذا ما فيها ضرر بالمقابل

3 السبب الاكبر لتراجع عقول الاطفال بسبب الهواتف وبالمقابل يحرمون على اطفالهم نفس الاجهزه

__للتنوية فقط(الاشخاص الي شفتهم مو نفسهم الي على السوشال ميديا لا الي شفتهم مدري حاخامات شي هيج حتى اشكالهم غريبة )

اني مو كل نظرية مؤامرة امشي وراها بس بصراحة هذا الشي اكثر نظرية احسها واقعية بينما هذا الجيل ومع الاسف عقولهم بسرعة تنغسل بسبب الريلزات( والي مرة حتى ايلون ماسك اعترف انه الريلزات هي اسوء شي للانسان )

فسؤالي هو هل انتم هم تحسون هذا الشي مخطط الها ؟وختصة ويا التحديثات والخوارزميات لكل تطبيق

اريد اتعلم انكليزي مو علمود سفر او دراسة انما مجرد علمود الالعاب والروايات وباقي سوالف الترفيه واكثر شي مركز عليه حاليا هو القراءة لان اشوفها وحدها تكفيني بهيج سوالف بس حاليا احس عندي ركود او صاير ما اتعلم شي واني حاليا حسب

الإطار المرجعي الأوروبي الموحد للغات (CEFR) واصل B1 من حيث القراءة بس بعدني احتاج اكثر شنو تنصحون حتى اتحسن اسرع

يعني اذا واردات العراق ١٠٠٠دينار تصفالنا بس ٨٠٠

im sorry if this is out of the loop i wanna game with some people if anyone is down lmk i have been mainly playing cs2 and forza 6 but im open to dif games

مرحباً شباب، عفواً عن التأخير بالتنزيل، جنت مشغول شوية.

مبدئياً راح أشرح عن المسار العام لمنح الماستر، لأن شفت الأغلب بهالمرحلة. وللحقيقة منح الماستر أسهل من البكالوريوس، لهذا راح أبدي بنقاط معينة للطلاب الي يدرسون بكالوريوس والمتخرجين. ممكن البوست طويل، لكن أكيد هو مفيد ومن تجربة واقعية، مو كلام نت، فخليه لوقت ثاني إذا هسة مو بالمود المناسب.

- مبدئياً، بالنسبة للطلاب الي يريدون يكملون ماستر، أكو أشياء من هسة لازم تشتغلون عليها. أولاً وأهم شي هو اللغة (إنكليزي، أو حسب إذا الشخص ناوي على بلد ثاني يتعلم لغته). حاول تخلي تعليمك ممنهج، يعني يركز على المهارات الأربعة باللغة. وبالنسبة للإنكليزي، غالباً راح تنطلب منك شهادة والأفضل الآيلتس. فإذا تريد تتدرب بصورة صحيحة أنصحك بقناة التلي الي أشارك بيها تجربتي (حصلت سكور 7 بدون أي دورات أو تدريب، بعد ما جان مستواي ضعيف. الشرح موجود بفويزات القناة بالبداية، وهمين أنشر بيها الفرص والمنح الي أشوفها). هذا المعرف مالتها: @MohammedAliMKA.

اللغة مهمة بهواي أشياء، مو مال أذكرهم كلهم لأن أكيد الكل يعرفهم، لكن كلما تصير أحسن تفتحلك هواي أبواب، خاصة بالمقابلات، وبالمنح، وحتى بفرص العمل وبشكل كلش واضح.

- حاول خلال هالفترة تركز على النشاطات غير الصفية (أونلاين أو حضوري). مثلاً أكو برامج تدريبية، أو تشتغل فولنتير، أو تشارك ببرامج تبادل طلابي. هالفرص بشكل عام موجودة بحسابات LinkedIn، وهم ببيجات السفارات الأجنبية بالعراق، هواي ينشروها بين فترة وفترة. وكلما تكدر حاول توثق هالشي (شهادة، صورة، بوست LinkedIn أو غيره). كل هالأشياء تفيد وتبين إنك شخص اكتف. ومن هالنشاطات، المواضيع البيئية حيل تفيد وما محددة لاختصاص معين وخاصة هالفترة لأنها تعتبر من الترندات العالمية.

- حاول تركز تحصل درجات أعلى، لأن كلما معدلك يكون أعلى تزيد فرصك بالقبول. وهواي منح تعتبر المعدل العالي من المتطلبات الأساسية (مو كل المنح، لكن الغالبية العظمى).

- مشروع أو بحث التخرج حاول يكون شوية يونيك وانطيه اهتمام. مو مطلوب منك تسوي شي خارق أو راقي، لكن حاول يكون بحث أو مشروع بيه بوتينشل، لأن ممكن يفيدك بعدين سواء إذا حبيت تكمل عليه بالدراسات العليا، أو إذا أحد سألك عنه بالمقابلات أو طلب منك تشرح شغلك.

- حاول من هسة تسوي حساب LinkedIn مرتب وتبدي تبنيه بالتدريج. أضف نشاطاتك، شهاداتك، أعمالك، وأي خبرة أو تطوع تسويه. ممكن ما يكون شرط أساسي بكل المنح، لكن ينطي انطباع زين عنك، وبعض المنح تعتبره نقطة إضافية (Plus) ضمن تقييم المتقدم.

- خلي علاقتك طيبة ويا كم أستاذ، ويفضل يكونون نشطين أو أسماءهم معروفة، خاصة إذا بمجالك، لأن بعدين تحتاجهم برسائل التوصية، والي هي مطلوبة بكل المنح تقريباً. وحاول تكون بارز بالنسبة إلهم... (بس مو بطريقة سيئة، اهدأ 🤣).

- بالنسبة للمتخرجين، هالنقاط الفوك حيل مهمات. بالإضافة لهالشي، لازم تتأكد عندك وثيقة درجات باللغة الإنكليزية، وهالوثيقة تحتاج وقت حتى تجهز من الجامعة (غالباً شهر)، لهذا من هسة قدم عليها وخليها يمك، بالإضافة للوثيقة العادية.

- النقطة الاخرى جدا مهمة هي ان تكون متابع كل بيجات السفارات بالعراق، خاصة بالإنستا والفيسبوك، لأن أغلب السفارات تنشر عن منحها، وتكون مخصصة للعراقيين وبيها مقاعد (Quota) محددة.

- بعض أسماء المنح الي تنطي مقاعد كوتا للعراقيين، سوي عليها سيرج وشوف متطلباتها حتى تتجهز إلها قبل لا تنفتح:

• منحة MEXT اليابانية: ما تطلب شهادة لغة، وللماستر والدكتوراه.

• منحة GKS الكورية: للماستر والدكتوراه، وأني مقبول بيها، فالّي يريد تفاصيل غير الموجودة بالنت أكدر أساعده هواي (وممكن أسوي بوست منفصل عنها).

• منحة Chevening البريطانية: همين ما تحتاج شهادة لغة، ومقاعدها هواي للعراقيين، لكن منافستها عالية لأنها معروفة وعليها إعلام قوي.

• منحة Fulbright الأمريكية: للماستر كذلك، ومشابهة لمنحة تشيفننغ من حيث المنافسة.

• منحة CSC الصينية: الصين كلش راقية، لكن لغتهم صعبة شوية. المنحة عدد مقاعدها زين، وهي للماستر والدكتوراه، وأعتقد همين للبكالوريوس.

• مجموعة منح Erasmus: هاي عبارة عن مجموعة كلش جبيرة من المنح ببرامج واختصاصات مختلفة للماستر بكل دول الاتحاد الأوروبي. والحلو بيها انك راح تاخذ الماستر من 3 جامعات منفصلة، وكل سمستر ببلد أوروبي مختلف. وهواي عراقيين مقبولين بيها، لكن تطلب شهادة لغة.

• مجموعة منح DAAD الألمانية: كذلك هي مجموعة منح مثل إيراسموس.

• منح الجامعات: أغلب الجامعات تنطي منح بنفسها، لكن عليها منافسة أقوى، لأن راح تنافس طلاب من كل العالم. لهذا تحتاج بروفايل أقوى مقارنة بالمنح المذكورة فوك، لأن هاي المنح بيها مقاعد مخصصة للعراقيين، وبالتالي المنافسة تكون داخل العراق فقط.

- وأهم نقطة خليها ببالك: من أكثر الأشياء الطبيعية بالمنح هي الرفض. لهذا دائماً خلي ببالك مبدأ من الفلسفة الرواقية: توقع الأسوأ وتجهزله، حتى إذا صار تكون جاهز. حتى لا يكون الرفض شي يخليك تنثني وما تكمل، لأن بالنهاية هاي فرصة مجانية ممولة بالكامل، يعني المنافسة عليها حيل عالية. وكل رفض راح يعلمك شي ويخليك بالمحاولة الجاية أقوى وأحسن.

بالنهاية، أكو بعد أجزاء ممكن تنذكر ببوست ثاني، لكن حتى ما تكون طويلة حاولت أذكر أهم المسارات الي تخليك تمشي وتبحث وحدك. هدفي من البوست مو اجهزلك الحلول كدما احاول اخليك تلكي المسار المناسب الك وتمشي بي.

عدي ٣٠٠ الف اكدر اشتري بيهن ذهب واخزنه؟
وتنصحوني اشتري هسه لو لا

السلام عليكم اريد اشتري احد العطرين هاي و محتار بينهم
الاول
Le sel diessy by issey miyaki
و الثاني
Kenzo edt intense
العطرين اثنينهم جربتهم و شفت على بشرتي ال ايسي مياكي بقة فترة اطول بس العطرين جربتهم بمحلات مختلفة فخاف الكينزو يكون تقليد لان سمعت الاداء مالتة متفجر او هيج شي و كذلك انصحت بنسخة اخرى لل kenzo اللي هية kenzo indigo فانتوا بشنو تنصحون اي عطر اشتري لصيفنة الحارق
(استعمال للجامعة و الطلعات السريعة و يفضل يكون اداء جيد و فواح لدرجة معينة)

اني طالبة علوم حاسوب صرت مرحلة ثالثة وكلش احب علوم الحاسوب ومن الاوائل بدفعتي واحب اتعلم عن الانظمة والخوارزميات ولغات البرمجة احسها مثل لعبة واتونس بيها، لكن اكو تخصص باقي ببالي وهو اللغات، انو اكون مترجمة حرة (انگليزي او فرنسي) وردت اروح لغات لكن لان معدلي 83.14 گلولي حرامات اروح لغات ، احب اتعلم لغات واتعرف على تاريخ الكلمات واصلها، ف مااعرف شنو اسوي واذا كملت بكلوريوس علوم حاسوب اكدر ادرس مرة ثانية لغات؟

شنو رأيكم؟

العنوان

Hello, I am a non-Iraqi user. I was asked what you think about the travel and the people who come to your country for Arbaeen, especially from my country, Iran. Because there are a lot of trips happening and I was wondering what the opinion is about that place.

مليت بالعباس هاي صار ٤ سنين كل سنه انشر نفس المنشور
الكهرباء شلون يعني تضل هيج

هسه اني شاب عمري ٢١ سنه علاقاتي بلناس اذا نستثني اصدقاء الجامعه و اصدقاء الطفوله و الاهل فهي عباره عن علاقات على كد السلام

اني مو انطوائي ولا متوحد ولا مهاراتي الاجتماعيه ضعيفه وانما اني ما احب البشر، ما احب اتعرف على ناس(مع العلم اعرف هواي ناس و هواي ناس يعرفوني بس علاقاتنه على كد سوالف) ما احب اجامل ما احب اسلك للناس ما احب اقوي علاقتي بشخص لان

البشر بهذا المجتمع اشوفهم صفر اخلاق صفر تعامل صفر مبادئ، لو يكون غبي بحيث من تحجي وياه نقاط ال IQ مالتك تنزل ، لو يكون متخلف و شخصيتة تتغير ويه كل تريند، لو تلكاه انسان مغرور تهمه بس روحه و باقرب فرصه تجي راح يستغلك لو يكون عنده عقدة نص ، و هواي مرات من تنطيهم مجال يتجاوزون حدودهم

و اني مو نبي، اني هم عندي سوالف طايح حظها و مرات أاذي الناس الاحبهم بس دائما احاول احسن من روحي

(ترا اعرف مو كل البشر هيج بس الاغلبيه اشوفهم هيج)

هو هاي طبيعة البشر اعرف بس هل المشكله مني لو من المجتمع ؟ هل هذا الشي الطبيعي ان ما تحب تختلط ويه البشر و تقوي علاقتك بمحيطك لو الي كاعد اسويه غلط؟

فلوسسسسس

برأيكم ماهو سبب خيانة الفتاة للشخص الذي يحبها بصدق؟؟

ملاحظة// هذا ليس تقليل من قيمة الفتاة بالعكس احترامها مفروض وواجب

ملاحضة اخرى// لانقصد استنقاص من اي فتاة وهذا مجرد سؤال

شكراا لتفهمكم....

قبل كم يوم فتحته و اتفاجأت مطلعني من حسابي بالبرنامج، توقعت حسابي طار لو تهكر بس سجلت بالموقع سجاني طبيعي وكل ما احاول بالبرنامج يطلعلي

We are unable to authenticate you

انتوا هم عدكم هيج لو بس أنا؟

حاليا گمت استعمله من الكروم بس مزعج مو مثل التطبيق

هل هو موثوق؟ شلون اسعاره اقل من السعر الرسمي لبعض البطاقات

السلام عليكم انا شاب عمري 20 سنه طولي 160 عمري كله ما كدرت ادخل علاقه ويه بنيه اقصى حد وصلتله انو اكون صديق مقرب لبعض البنات على أي حال دائما انا لطيف بطبعي واحول ما أذي احد واكون مستمع لمشاكل الكل حتى لو انا جنت ضايج ومخنوك ، دائما امشي بالجامعه واشوف البنات لو أطول مني لو بطولي وقليل ما الكه بنيه اكصر منه وصراحه هذا الموضع جدا مضايقني هواي مرات حاولت انو ادخل علاقه لاكن اشوف رأيي البنيه من خلال أصدقائي او اسألهم بشكل غير مباشر وكلهم نفس جواب القصر هو اكثر شي محزن ممكن يصير للرجل اتخيل انو ناس يتزوجون ويرتبطون ويه بنات حلوات لمجرد طولهم 180 على رغم همه لو شخصياتهم خرا وما يهتمون للشخص الي دخلوا وياه علاقه مجرد يتملعبون , اخر قصه صارتلي انو تعرفت على بنيه قبل ثلاث اشهر جانت قبل فتره منفصله عن حبيبها ، حبيبها جان شخض سيئ وحتى استغلها جسديا لاكن طويل ايضا فه ضلينه فتره طويله جدا نحجي ونحجي باليوم اكثر من 10 ساعات وجنت استمع لسوالفها واحب اسمعلها حتى لو سالفته ممله وبدتت تلمحلي بمشاعرها، هي ما سألتني على طولي لاكن هي شايفه صوري وعبالها طولي فوك 170 فه مره نشرت صوره ويه صاحبي فه سألتني شكد طولك كتلها 160 كالت احه طلعت قزوم فه ضحكت عبالي تشاقه ومشيت الوضعيه بس لاحضت انو هي بدتت تتغير ما ترد عليه اطول بالرد تجاوب برود فضيع لدرجه انو انت تتندم سولفت وره شهر لكيتها ناشره كلوز لازمه ايد شخص وطالعين سويه فه انقهرت لاكن اتمنيتلها الخير وجاوبت على ستوري مالتها كتلها مبروك يابه وبالتوفيق ( تبلكت ) فه ضلت بنفسي انو احجي هذا الموقف والمواقف الثانيه الي قريبها عليها حتى صدقائي يضحكون على طولي يكولون نكات لدرجه لقبي صاير (فلان القزم) انا ما ابين ضعفي او انو انا ضايج بالعكس اضحك وياهم لكن بداخلي جدا انقهر واضوج اريد رأيكم بهذا الموضوع وهل الاشخاص النفسي يعانون من هيج مشاكل ؟

(اعتذر اذا جان كلامي مخربط او مو واضح ولاكن ما متعود اعبر عن نفسي)

حرفيا اني كاعد بل بيت وبل مطبخ اكو شباج المشكلة هذا الشباج الناس ما تكدر تشوفنة من يمة الا اذا احد صعد لمكان عالي لان المطبخ بل طابق الثاني والولد صعد فوك حتى يعدل واير بيتهم لان راح ينكطع بس ما دك الباب يمكن على بالة نايمين لان الوكت جان بل 1 بليل ونوب الصدفة الخرة بوكت ما كاعد اطبخ هو صعد وشافني ونوب اني لمن جنت اطبخ سمعت صوت ولد بس على بالي كاعد اتخيل لان صوت الطبخ عالي ف الولد سكت وما لاحضت واعتقد هو غلس اصلا ودار وجه حتى لمن اجيت باوعت من الشباك خرب انة هسة هذا شلون موقف خايس

موضوع راح اتندم لان حجيت بي(الحاد وشواذ)

كلش مااحب هالمواضيع بس فضيعه بالريديت كلت احجيها :يااخي واقعيا عمرك بعده ١٤-٢٠ سنه هستوك بادي حياتك تعرف منا لعمر ٣٠ -٥٠ سنه كم تجربه كم فكره وخبره حتغير افكارك شلون كدرت تثبت ووتتيقن من افكارك وتقرر انو انت خلاص ملحد مسيحي مسلم انت بهالعمر بعد تكتشف وتتعلم وتبحث من كل النواحي شوكت لحكت تصير ملحد ،، الالحاد يوصله الشخص بعقليه جدا سطحيه ومحدوده ، العالم عظيم تفكر بيه لا توصل هالقرار من وره موبايل وكم مقاله وكم صديق وكم كتاب تتاثر بي او لرفض المجتمع والعادات ،الموضوع اعمق من هيج بهواي بعدك صغير استمر ابحث ونور عقلك بكل المعلومات عن جميع الاديان ادرس كتلهم افكارهم العالم والعلم اطلع خالط كل الطبقات والناس مو هيج الموضوع مو موده مع احترامي

وكذلك موضوع الشواذ بعدك مراهق تروح تدمر سمعتك بين الناس وتنطي هيج سر عنك لكذا شخص ومنا عدماتكبز وتنضج تلكه نفسك عقليتك تغيرت الدنيا جبيره وتجارب بيها كلشي احنا اليوم مو نفسنه امس شنو الظامنلك تبقه هذا ميولك للابد؟! خاصه الي يستخذم جسمه بهيج امور ليش تالي تنبذ نفسك ممكن ! وتعيش بصدمة ،اعرف المجتمع الاصدقاء الاهل التجارب ممكن خلتك توصل لهالفناعه بس يااخي اصبر ع الاقل قيم نفسك وافكارك راقبها ميخالف مو غلط بس لا تروح تسوي علاقات جسديه ار تفضع نفسك وتفتخر بهيج وتالي تندم خاصه المراهقين لا تستسهلون كلشي بهالزمن محد يتاذه غيركم مع تقدم العمر واعتذر ع الاطاله🤍

احد عنده معلومات عن الدراسة بالخارج؟بأي نوع كانت .. خصوصًا لدراسة البكالوريوس
Please DM me.. i could use any advice🙏🏻🙏🏻🙏🏻
شكرًاااا مقدمًا

اريد بيج بالانستا يطبع صور عالملابس واهمشي تكون جودة التيشيرت براسها حظ مو ادفع 25 الف علمود تيشيرت لبستين وبعد مينلبس ، وشكراً

شلون الواحد يلكه زوجة لا انجابيه نفسه؟