جنت جاي افكر واكول الله عود ليش ينطينا حسنات من نسبحله ونستغفرله،ذني كلهن حسب علمي تعظيم وتقديس لله فليش الله يريدهن من عدنا؟ كلما نحجي يكولون الله مايحتاجهم انت التحتاجهم

زين اكو هواي طرق نكدر نحصل بيهن حسنات بدون ما اعظم ل الله وهماتين اني استفاد

فليش الله هلكد مهتم بأنه يتم تعظيمه وتمجيده ومن نسأله يكول ما احتاجهن انتم التحتاجوهن، زين على الاقل سويلك شغلة مالها علاقة بيك حتى تكون منصف ليش كلشي متعلق بعظمتك ورهبتك والخ اعرف انت الله ومحور الكون بس يعني🤨🤨

يعني الله شو انت نفس المدرسين تحب الي يتلوكولك لو شنو قصتك

مرحبا اصدقائي من كل مكان و كل زمان .

البارحة كنت في مشوار عن اقاربي و اضطريت استأجر ( تيك تك ) بدل من سيارة ، كنا انا و اخي اصغر مني نكلم و نسولف و نضحك على حال الدنية واخبار بعض و من هاذ النقاشات ، المهم اثناء الكلام انتبهت بان صاحب ال ( تيك تك ) متعصب شيعي من الطراز الثقيل ، صور ( ألامام علي و خمنائي و صدريات و حسينيات ) الحزمة الكاملة للشيعي التقليدي .

اول شيء اكو امرأة كانت تمشي بالشارع وحدها و هي امرأة كبية و محجبة و ساترة كل شيء بيها و راسها بالارض هيه و تمشي ، بدء يتقرب عليها و يخفف و استمر يحدق عليها و يعض بشفاته و يهز براسة طبعا اني لعبت روحي من الحركة هاي بس سكتت تجنب للخلاف بينه .

طبعا ما يحتاج اكول بأن قيادة اخطر منها ماكو و اكثر من مرة نبهت على راحت سوق ما مستعجل .

و بعدها اجت ( تيكتك ) ثانية و جان بيها طفل يعني يكتل روحة يطلع 15 فما دون ، و كان مشغل اغاني بصوت عالي ، و هاذ العينتين الدنية حرگها عليه حاول يدخلة بحادث و حاول يوازية على يتأذة ناهيك عن الشتم و القذف ، كلت اله ليش هيج تسوي شسوالك ؟ كال " انتَ ما تسمع؟؟ غير مشغل اغاني في محرم ! " كلت اي و ذا ؟ غير حر يسمع اليعجبة و انت هم تسمع اليعجبك احد منعك قبل ؟ رد بعصبية " كال لااااا ماكو حريات محرم شنو حريه ؟ تايها هيه؟ انت جنك تسمع اغاني و ضاف وياة مو ؟ " اني طبعا اسمع اغاني و كلت اي فعلا اسمع وين المشكلة؟ ياخي ما انا حر و بكيفي ، كال " لا وين يصير هيج حجي انا لو كامش ذاك الطفل انحرة بالشارع ! ، كلت كول غيرها يمعود كال " لو ما القانون و العشاير وعلي اشمرة من التكتك و اذبحة و انحرة حتى يصير عبرة " طبعا ما يحتاج نكول هوه حتى الدينه ما اهتم له و حرام و مدري شون لا خايف من القانون التعبان هاذ .

طبعا هو طال النقاش بس هاذ المفيد للي يشك الشيعة براسهم حظ و هاذ لا اول واحد ولا اخر واحد قابلته بنفس العقلية الزفرة .

و كونوا حذرين من هاذ المجتمع الغابة و ابقوا سالمين .

لم نأتي من ضلعكم بل اتيتهم من ارحامنا (من مهبلنا افتهموها شلون متحبون)

الالحاد مفهومه بسيط ومو بهذا التعقيد ان تكون غير مؤمن بدين او إله ماله علاقه بميولك الجنسي ولا يعني الاستهتار والانحراف يعني اني هسه ملحده مو شرط اشرب خمر مو شرط امارس الجنس شوكت ما اريد ولا اتعرى واذا سويت هل اشياء ف هذا شي شخصي راجع الي مو لان اني ملحده لازم اسوي هاي الاشياء عدهم الالحاد يعني انسه اخلاقي ومبادئي الفئة الي كعد اشوفهه منبطحين للغرب وكليوميه جايك بميول شكل وهو جذب بس عود هو مختلف ومميز وماكو منه سوالف مال مراهقين بينما هو تقليد اعمى للغرب بحيث اريد اكون صداقات وياهم ما اكدر يلعبون نفسي نوب واكو فئة ثانيه والي هي الملحد الشرقي الي يلتزم بالعادات والتقاليد العربية الرجعية هذا ما يحتاج احجيلكم عنه نفسه المسلم بس ملحد يعني متكدرون تكونون حياديين مجرد اشخاص اصحاب أخلاق ومبادئ خاصه بيكم انتو وبلي تشوفو صح ما اعرف اذا جان قصدي واضح بس جنت اريد اشخاص ملحدين بشر طبيعيين مو ممسوخين

Do they know?

انولدت بفترة حرب وجان اختلاطي فقط وي عائلتي وعانيت من مشاكل هواي من تنمر وغيرها وچنت اكضي اغلب يومي بالبيت والحاسبة

هالشي سببلي مشكلة كلش چبير بالتواصل وتكوين العلاقات وحتى الكلام ودا اعاني هسة من وحدة واكتئاب بسبب انه محد ديفهمني وصعب

حاولت انه اتعرف او اكون علاقات بس الناس بعدها تفل من عندي او تتنمر او تتأمر ومليت صراحة من هل شي

مفكر بشكل جدي اترك الكل واعيش وحدي او اكمل اعيش وي اهلي لحد ما اموت حتى ما افكر بالزواج لان حظلم الشخص الي وياي

أحب الإنسان اللي يستعز بأصله وبيئته وما يحاول ينكرها أو يخفيها لأن هاي البيئة مهما كانت هي جزء من تكوينه وهي اللي ساهمت بصناعة شخصيته وطريقة تفكيره بالنسبة إلي إنكار البيئة هو إنكار للذات لأن شكد ما تحاول تطمس جذورك أو تستعير هوية غيرك بالنهاية راح تظل تمثل شخصية مو شخصيتك الحقيقية ومع الوقت ممكن تضيع ملامحك الأصلية ماكو أي شيء مخجل بالأصل أو بالمكان اللي جيت منه الشيء الوحيد اللي ممكن يخجل الإنسان هو تصرفاته وأخلاقه مو بيئته

شلون الشخص اللاديني يختار شريك حياته او يدخل بعلاقة عاطفية بالعراق ؟ يعني مثلا ادخل بعلاقة عاطفية ويه مسلم وامثل عليه خاصة لمن الموضوع يوصل للزواج ، اعرف اكو لا دينيين هواي بالعراق لكن بالواقع طبيعي ما يبينون نفسهم فشلون تختارون شريك او شريكة حياتكم هذا الموضوع مدوخني

اكو حل لاعلانات اليوتيوب؟ (ايفون)
غير البريميوم لان ماعندي فلوس

انتوا الملاحدة يعني بشرفكم تؤمنون انو الامام علي خالقته الطبيعة ؟ انسان بعظمة الامام علي تخلقه الطبيعة مستحيل ، اني كل مرة افكر الحد واتذكر الامام علي وارجع استچن يعني اني متأكد لو ماكو الله يصير بمكانه الامام علي و لحد يحمض بله خل نتناقش

https://reddit.com/link/1v3pmsz/video/2dnawhctwteh1/player

فهموني وين اروح طن جذب يوميه اسمع

بالنسبة الي اول شرارة جانت هي تناقضات الشيوخ، فد مرة طلع شيخ كلش مشهور وحنت اعتبرة GOD الة شوية گال حرام تدخل كنسية وهيج وهيج، ورا فترة هو راح ل كنيسة

هنا جانت اول مرة اشك انه الشيخ ممكن يجذب،،، وراها تبلش من تشوف الناس (غير المسلمين) عايشين ب سلام وعدهم الحياة حلوة وونسة، واحنا على اقل شغلة حرام وميصير وغلو ونار جهنم، الفن الغناء الموسيقى اي شي يساعد على الحياة يعتبرونة حرام،،،، بعدها تجي الي يترك الدين ينقتل( الأفكار القوية والصحيحة تفرض نفسها بقوة المنطق والحجة، بس عند الجماعة بالسيف، من تشوف هيج تحس فعلا اكو خلل)،،،، عندة السبي وقتل الي من غير دين حلال، بعدها القصص الخرافية الي مچلبين بيها، الحيوان الي طار للسماء وماشابه

طبعا كبداية جان تأنيب الضمير مو طبيعي، شما تشوف انه التدين كلاوات يبقى ضميرك يأنبك بحكم المكان والمجتمع الي عايش بي،،،

طبعا هذا الموضوع ممكن اسولف بي ويا شباب اصدقاء، او شخص او شخصين فقط من الكرايب، الي علاقتي بيهم قوية(واكيد ما يقتنعون، ولا اني اساس احاول اقنعهم، يعني هو بس سوالف)

اما بداخل العائلة ف اني ممصارحهم، ممكن اخوي الصغير اي، لانو اني ويا سرنا واحد، بس بالنسبة ل والدي مثلا، يعني هو يعرف انه اني مااصلي، بس ميعرف انه "طالع من الملة" على گولتهم ....

مااعرف بعد سولفو اي شي