لان مجالات اداره الاعمال واجد
فا انا كيف احدد اي مجال يناسبني واي مجال مطلوب بالفتره الحاليه او المستقبل

اتوقع انه احنا وصلنا للمرحلة ذي، بحيث انه الوظيفية صارت تضييع وقت و نفسيا فصلت نفسك منها و الأغلب يبحث بشكل دوري على وظيفة، و الاسوء انه البعض حتى لو بدء في وظيفة جديدة يبدا بيبحث على الوظيفة احتياطا او لانه ما عنده الجهد والطاقة انه يغيير من بيئة علمه او يشوف التغيير مايسوى القلق اللي بيصاحبها. هل هذا تعتبر احتراق وظيفي ؟ و كيف نتعامل معها؟ اشوف الاجازات لها تاثير بس تأثيرها ما يتعدى الفترة اللي هي (عدد ايام الاجازة )x(١.٥-٢) تقريبا

لكن العقد في قوى لسه ماوقعته ، وكل يوم يجوني يقولوا يالله وقعي🙂

انا مشكلتي عشان وظيفتي الي قبل كانت على مشروع وخلص ، ما أبغى أقعد في البيت وأهلي يصجوني فقلت أي فرصة تجيني أقبل ، واعطوني عرض راتب ٤٤٠٠بعد خصم التأمينات ، وانا خبرتي ٤سنين ، وفي التأمينات سنتين وآخر مشروع كنت فيه كان بعد التأمينات ٦٤٠٠ ، ومن المقابلة قالوا الراتب ممكن يتأخر عشان الشركة تمر بظروف ..الخ فقلت طيب ، بس لمن داومت حسيت إني استعجلت وأبغى الشركة تعطيني أكثر لو تزود ألف ألفين ، فهل اناقشهم في هذا الموضوع بكرة ولا موقفي ضعيف جدا ؟

السلام عليكم ورحمة الله
كيف الشخص يقدر يستقيل لو انتهت فترة التجربة بفترة قصيرة؟ لنفترض اسبوع او اسبوعين؟؟

السلام عليكم، بحسب تجاربكم ومعرفتكم وش أفضل برامج MBA مناسبة للموظفين في الرياض؟ سواء كانت بنظام مسائي أو عن بعد.

بعد التخرج جلست بالبيت وماحصلت شيء. قدمت بكل مكان ومايجيني رد. استسلمت وقدمت على وظيفة كاشير راتب 3500 لين اعدل اموري.

الوظيفة كئيبة وصرت احزن على اي احد يشتغلها لانها تكسر الظهر وبدون فايده كبيره.

مديري اجنبي والمدير الي اكبر منه اجنبي وكل المسؤولين عن المؤوسسه اجانب وصراحة اخلاقهم عادية كويسة.

لكن المشكلة ان السعوديين الي معي غريبين اولًا يعتبروني غير موجود يسلمون على بعض واذا جا دور السلام علي يسحبون كأنهم بزران قلت تمام معليش عادي لكن لاحظت ان اي شيء بقسمي يتدخلون فيه . كمثال فيه صناديق لازم تترتب بمكانها وذا مو شغلي لشخص ثاني تخيلو يجون يصورون ويرسلون على المدير شوف فلان كيف قسمه شوف فلان مارجع السلات شوف فلان وش سوى رغم ان كل الاشياء إلي يشتكون منها مو شغلي. الغريب ان كلنا نفس الراتب ومافيه بونس ولا شيء ليش اللوم والحقد ؟ احيان افكر هل درست البكالوريوس علشان بس كذا؟؟

ختامًا ادعو لي الاقي وظيفة احسن.

تتفقون ؟

اشتغل في شركة استشارات و بينتهي عقدي الشهر ذا ولاحظت ان المهام وقفت كلياً بداية الشهر حرفياً اسجل دخول و اسجل خروج مافي اي مهمة حتى لو اكلمهم يصرفوني !! الوضع غريب، جالس ابحث و اقدم على فرص كثيرة موجودة اعلانات بالهبل لكن صمت مافي رد ! و
ذولا مدري اذا كلموني بيجددون اجدد ولا لا محتار !!
استغليت الفراغ اني اذاكر لCCNA بس ماش تسويف 😂😂
الي طلعت فيه ان السوق السعودي واسطات + استغلال

صباح الخير جميعا، مرح أطولها و ادخل بالتفاصيل بس أنا موظفة و علي ديون من ايام الجامعة. حابة ادفعها ب راتبي و قاعده اعيش مرا مرا على قد حالي.

اسكن ب ٣٠٠٠ مع الاوبر للدوام ٧٠٠ ممكن مع الاكل (اكل كاس اندومي + زبادي).

راتبي راتب حديث تخرج و أنا أفكر اشتغل بارت تايم في retail اتوقع راتبي رح يكون ٣٠٠٠ و ما عندي مشكلة مع الضغط لأني أصلا ارجع الشقة ما عندي شي أسويه إلى ان انام.

يعني اشتغل من ٨-٥ بعدين ٧-١١

أنا أصلا أنام متاخر و لحد يقول انه تعب نفسي، ادري تعب نفسي بس أنا صار لي اشتغل سنين بالجامعة ف متعودة ع الضغوطات و كلها كاس كوفي و الاحتكاك بالناس مرح تخترب نفسيتي. أنا نفسيتي خربانه بسبب ضيقة الفلوس.

انا أصلا احب اشتغل ولو ما عندي ضغوطات ماليه كان لسه اشتغلت شي بارت تايم.

ماعرف ايش اسوي غير كذا، لاحد يقول اكلم اهلي لاني كلمتهم ولا سوو شي .

صراحتا ما اتوقع فيه حل غير اللي انا قاعده اسويه الان. يمكن فضفضة بس

الشكوة لله

اهلاً السلام عليكم

انا جتني مقابله في وظيفه عاجبتني وكلللل شي عاجبني الا الراتب اقل من راتبي المقابله مفروض تكون مع المدير ومساعده بس قالي المدير في اجازه ممكن اذا رجع نسوي مقابله بحضوره هذا يوم ٧ هذا الشهر
تكلمنا عن كل شي واخر المقابله كلمني عن الراتب ان انتِ تبين زياده صح ماراح ترضين بهذا الرقم ؟ قلت الصدق ايه قالت خلاص انا لازم اراجع الاتش ار ونرد لك

انا مابي اتعلق ولا اتحمس على الفاضي واعرف ان دخولي لمقابله مو تأكيد قبولي لكني متحمسه مرا وعاجبتني وابيها و بأذن الله من نصيبي كانها خير لي

الحين مر اسبوعين و بالضبط ١٥ يوم هل اكلمهم ولا خلاص متى ما تواصلو معي تواصلو
انا اخاف اذا تواصلت يحسون اني مرا ابي ذا الوظيفه وبقبل براتب اقل من المتوقع والصدق يمكن اقبل من كثر ماهي عاجبتني ويمكن اذا كلمتهم بالعكس يحسوني مرا مهتمه

يعني اعرف الموضوع ياخذ وقت خاصه اذا هو صدق يكلم الاتش ار واذا مديره مسافر متى متى بيرجع عموماً مابي افكر كثير وادخل بدوامه بسلامتهم وش يسون بس شرايكم

ابي اعرف عن الشركة هذي من ناحية رواتبهم والبيئة بشكل عام

السلام عليكم ورحمة الله وبركاته

تخصصي هندسة صناعية من جامعة اكثر من ممتازة ومعدل متوسط

انا احتاج مساعدة نفسية قبل ما تكون مهنية، انا خلصت موادي بالجامعة ورحت ادور على فرص للتدريب وانا مهتم بمجال الاستشارات وبكون صريح لانه اعلى رواتب ويعطيك معرفة اعلى ويفتح لك فرص، وكان هدفي الMBB او التير تو او البق فور، المهم ما حصل لي الموضوع وقدمت على شركات محلية وانقلت بشركة وسويت بحث بسيط وقلت بتوكل على الله لاسباب منها طريقة تعاملهم والشركات اللي يتعاملون معهم والصراحة كان قرار سريع.

🔴المهم🔴

بديت معهم وبديت اشوف انها جداً صغيرة واغلب اللي فيها مو فاهمين وبديت استوعب ان اصلاً غلط اني ابدا بشركة صغيرة زي هذي لان احس مؤهلاتي افضل بكثير منهم والمضوع هذا مره مضيق صدري خاصه اشوف العيال دخلوا شركات زينه وانا رضيت بالقليل مره.

🔴سؤال🔴

هل التدريب هذا فعلاً بيأثر على مستقبلي المهني وهل بيضيع فرص ولا اصلاً التدريب التعاوني مهم بس ماهو بذاك الاهمية ووش تنصحون اسوي هل اخلص بس وامشي باسرع وقت ولا وش المفروض اسوي؟

ك موظفه جديده
هل مفروض اطلب مهام؟
لان المدير مشغول و مو فاضي لي يعطيني تعلبمات لكن اخاف ذا الشي يفرق بتقييمي خصوصا انها فترة تجربه
اخاف انظلم اني ماسوي شي لكن هم ماعطوني شي اسويه
انا بشركه صغيره

هل
لو اسوي حساب بتويتر انزل فيه سوالفي ومشاريعي عن تخصصي بيساعدني الموضوع بالفرص والتوظيف؟ ولا مضيعة وقت؟

اللي يشتغلون في مجال الامن السيبراني ايش skills اللي تحسونها لازمه تكون عندي عشان اتوظف في مجال السايبر

عندي خلفية بسيطة جدا عن ال Splunk and wireshark وعلى ال email analysis عندي خبره بسيطه OleDUMP

مهتمه في السايبر والشبكات ف ايش تحسون اللازم يكون عندي عشان اتوظف في احد هالمجالين
وشكرًا

عمري ٢٨ وتوني الحين اصحى على نفسي واقول خلاص هذي الوظيفة (توني بادية فيها) لازم امسك نفسي واستقر فيها لان مره مسخت الموضوع.

قضيت عشريناتي كلها وانا اطلع من كل وظيفة اشتغلت فيها بفتره قصيرة سواء على شي يسوى او ما يسوى.

وتو اليوم ماما تسولف معي وتقول لو مسكتي نفسك شوي واستقريتي بوظيفه وحده كان الحين امداك طلعتي بالسلم الوظيفي وترقيتي فيه والحين كان راتبك عالي. لكني توني بادية بمجال جديد براتب اقل من المتوسط.

هل التخبطات والحوسه اللي سويتها هذي طبيعية لشخص بفئتي العمريه؟ ولا انا فعلاً ما انعطى وجه وخربت على نفسي الطريق؟

السلام عليكم أنا خريجة بكالوريوس ادارة اعمال وصارلي سنتين عاطله عندي خبرة تمهير ادارة مشاريع ودورات كثير لكن ما استفدت منها على الصعيد المهني شفت دورة cfa مسووين عليها عرض وتسرعت سجلت فيها وسجلت بالاختبار ، سؤالي هل تستحق التعب؟؟ هل فيه احد اخذها واستفاد منها او توظف بسببها ؟؟

وش هي؟ ونقدر نقدم عليها ولا؟** *لأن* ***مافي* خيار تقديم

عندي سوال و سوالي موجه للي مروا بوضع مشابه ايش اطول فتره جاكم بعدها ال اوفر ؟ وهل مره طلعتوا من مقابله بشعور سئ وكانت عكس المتوقع دخبت انتريفو الاخيره كانت بالمراحل وطلعت انا ببالي اني اقدر اقدم افضل واجوب بشكل احسن وللحين ماني قادره اوقف تفكير فيها ... مر يومين وبصراحه ما قدرت اتجاوز الموضوع ودي اهيي نفسي لرفض وبنفس الوقت ابي اتفائل ما اقدر... وبليز اللي بيقول كلام مشجع ما كتبت البوست ادور تشجيع ولا اتذكر انها خيره ابي ناس مرو بتجربه مشابه وشكرا

لي ٥ سنوات بهالشركه لا تطور مهني ولا ترقيات ولا زياده ولا شي وكانوا يكرفوني وكنت امشيها بموضوع ياولد خذ خبره بالاول

وصاروا يقلصون مهامي وواجباتي واخر فتره والله ان وظيفتي صارت بصمه دخول وبصمه خروج وهذاني احلف بالله لا شغل ولا مشغله وطاشيني بمشروع وشفت مساء محد دري عني ولا احد سأل

كلمتهم اكثر من مره انقلوني فرع ثاني غيروا الشفت ابي اشتغل دايم يصرفوني والله انقرفت والله اني بديت افكر استقيل المشكله ان ابوي متقاعد واخواني عطاله وعايشين من بعد الله على هالراتب

قدمت على مليون وظيفه وماعندي مشكله انقل لمدينه ثانيه بعضهم مايطالعون فيك وشروط تعجيزيه ولا قبل كم اسبوع دق علي يبيك تشتغل بالرياض ٦ ايام براتب حد ادنى ماقول غير حسبي الله ونعم الوكيل فيهم

الحمدلله على كل حال صح يجيني راتب بس والله الواحد وده يقوم على رجله يكون نفسه يفتح بيت يصرف على اهله ويتزوج ويعيش حياته

احس عمري جالس يضيع وماقدر اترك الوظيفه

اليوم كان فيه وركشوب مدتها ٤ ساعات و بكرا التكملة لا اله الا الله
المشكلة ان الي تلقي حرفيا كل ماسألوها جوابها يكون "بتأكد منها و ارجع لكم" قيرل حق وشو جايبينك بروفشنال ؟ و اذا ماعطت ذا الجواب تروح تلف و تدور ب اجوبة غير منطقية 🙂
من الاسئلة الي انسئلت
لما الشركة تدفع تكاليف موظف اجنبي من الى يباشر ، و بعدها مثلا بأسبوع قرر الموظف يستقيل (لقى شركه اخرى الخ) كيف تقدر الشركة تحمي نفسها بعد ان دفعت مبالغ على هذا الموظف ؟ جوابها كان الغوا فترة التجربة 😗😗

يا جماعة انا كونتراكتر وصرحت ان ودي اكون دايركت مع شركتي الحاليه ونقلوني قسم ثاني😕
لكن تو اشوف انهم منزلين وظايف دايركت للبوزشن حقي بقسمي اللي نقلوني منه (بنفس الخبره)، وعشان تكونون بالصورة هو لشخص واحد وانا طلعوني ، المهم ابدأ ادور بديل والا لان ما فيه شي واضح؟

مع العلم انه ما فيه فيدباك سيء لشغلي وبالعكس احيان اسوي اشياء اكسترا تعجبهم