السلام عليكم ورحمة الله وبركاته

عندنا في الحارة بسة صغيرة ( مو كتن، اكبر منها بشوي في العمر ) الناس تعطيها اكل وموية كل فترة، ف صارت تلحق الناس بشكل عام وتلعب معاهم، المشكلة انو اغلب لعبها عض وخربشة وانتوا بكرامة بالرجول والنعال والثياب، وانا شخصيا صرت انزعج من ذا الشي صراحة

ف صرت اذا حطيت لها اكل او موية، اشوت الهوا برجلي اذا جات تهجم او تسوي وضعية الهجوم، او حتى اذا قربت بس، وكمان اذا احط الاكل في جهة وهي راحت الجهة الثانية، اروح الجهة الثانية واحاول استدرجها ومرات اشوت الهوا برجلي عشان اسحبها مكان الاكل، لان هي من النوع الي ما تنتبه للاكل من اول مرة، لازم تاخذ اكثر من محاولة عشان تستوعب

فسؤال هو، هل الرفس الي اسويه عشان اهوش لها عشان ما تعض او تخربش وعشان مرات اخوفها عشان استدرجها محل الاكل عادي او لا ؟ أسأل هذا السؤال عشان هذي اول مرة اسوي الحركة واحس بشوية تأنيب ضمير لكن مدري 😅 تركتني وراحت تصطاد علبة موية مدري كفر سيارة وتموي بصوت عالي

وبعدها بكم دقيقة رجعت لنفس المكان عشان اشوف اذا البسة باقي تلحقني او ولحقتني ف ان شاء الله امورنا في السليم، وشكلي بعتمد الطريقة، لان موضوع العض والخربشة مضايقني بشكل

اشتريته لان صورة الاكل نظيفه و حمستني "سعره غالي ٨ ريال" قلت بس بجربه مافكرت اني اعتمده بس فيني فضووول .

المفاجأة انه بالواقع لونه غير مب قاعده اشوف الدجاج الابيض.
بس باين ان مكوناته كويسه بس حسسوني اني بفتح الكيس وبيطلع الاكل نفس الاكل المنزلي .

بس درس لي اني ما انخدع بالتسويق ومب كل شيء غالي يعني انه الافضل

﴿رَبَّنَا اكْشِفْ عَنَّا الْعَذَابَ إِنَّا مُؤْمِنُونَ﴾
﴿إِنَّا كَاشِفُو الْعَذَابِ قَلِيلًا إِنَّكُمْ عَائِدُونَ﴾

في هذي الآيات وغيرها في كتاب الله، يبين الله عز وجل قوة الدعاء بين يدين العبد سواء كان مؤمن او كافر، فمثلا معنا في سياق هذه السورة، كفار قريش دعو الله عز وجل، الي هم كفااار ! وبعد ما زاد فيهم العذاب

دعوه وهم يقولون لله اذا نجيتنا من الي حنا فيه، بنؤمن فيك ونعبدك وحدك، والله تعالى اعلم بهم وهو يعلم أنهم سيعودون لما هم عليه بقوله ﴿إِنَّكُمْ عَائِدُونَ﴾ ولكن مع كل ذلك استجاب الله دعاءهم، مع انهم كفار والله يعلم انهم سيعودون لذلك قال ﴿إِنَّكُمْ عَائِدُونَ﴾

هذا يبين لك انو الدعاء من أقوى الأسلحة بين يدين العباد ولو كانوا كفار، فكيف أجل حنا يالمسلمين ! اي احد عنده اي حاجة او ضيق او شي شايل همه، يدعي الله عز وجل، ولن يخيبه الله ان شاء الله، اذا الكفار والمشركين، الله يستجيب دعاؤهم اذا دعوه مضطرين، فانت ايها المؤمن ابشر بالخير

قرأت شوية في تفسير السورة وسمعت كم مقطع واستخلصت هذي النتيجة، الله يجعلها في ميزان حسناتنا ويا ليت نعمل بها 💝 !