اليوم يصادف الذكرى السنوية لوفاة احد افراد عائلتي المقربين

كل مرة ازور فيها المقبرة بعد تركي للدين، القى نفسي اقارن بين الشخص اللي كنت والشخص اللي صرت، يوم كنت مؤمن، كان المكان له هيبة، كنت احس بخشوع ثقيل، واتخيل ان الارواح موجودة، تراقبنا او تسمعنا، كانت هذي الافكار حقيقة بالنسبة لي

وكان يصاحبها خوف، خوف من مصير الميت، هل اهو مرتاح او يتعذب؟ هل انقبلت صلاته واعماله؟ هل اهو بحاجة الى دعاء ما يقدر يطلبه بنفسه؟ كانت المقبرة بالنسبة لي مكان مليء بالاسئلة والرهبة

من تركت الدين اختفت هذي المشاعر، مو لاني صرت اقسى، بس العدسة اللي قمت اشوف فيها الموت تغيرت، اختفى الخوف وحل محله شي اقرب للهدوء العدم، هدوء ما فيه انتظار، ولا عذاب، ولا خلاص، ولا احد يراقب احد

صج احس انه زيارة الميت بالمقبرة قد ما يكون لها معنى،بس المقبرة
تعطي الانسان طراق خفيف يذكره انه الحياة قصيرة ويمكن ما يسوى الواحد يشيل الدنيا على راسه

طبعا هذي الصحوة ما تدوم، اول ما ركبت السيارة، ورديت البيت، رجعت تدريجيا لنفس الدوّامة

بس ما يمنع انه المقبرة تكون استراحة من زحمة الحياة، ولو كانت هذي الاستراحة قصيرة