ليه الأردن هي أقل دولة عربية مقارنة بالمحيط انتاجا للفكر وتقديرا للفن! (نترك الفن لبعدين)
حتى ما عندنا تيارات فكرية واضحة أو أصوات اعلامية أو كتّاب أو مؤثرين إلهم أي تأثير ملحوظ بالنقاشات الفكرية المعاصرة. وحتى على مستوى الحركات اليسارية أو اللادينية أو النقدية يلي عم تصير بالوطن العربي الحضور الأردني فيها تقريبا معدوم ، برضو اللادينين الأردنيين قليلين جدا مقارنة بالفتوحات اللادينية يلي عم تصير بالدول العربية التانية حاليا (يعني حتى على مستوى الجيل الجديد(وماخدين بالإعتبار النسبة والتناسب بعدد السكان).
\*\*\*اغلب يلي متواجدين بالساحات اللادينية مننا بكونوا سلفيين أو منتقدين.
والمفارقة إنه عندنا نهضة رهيبة من ناحية أكاديمية بغير مجالات وما عندنا التزمت والتعصب الديني والغباء والدوغمائية يلي موجوده بغير دول ، مجتمعنا الأردني وسطي بشكل عجيب بكل اشي!
هل السبب ممكن يكون فعليا تاريخي؟ بمعنى أنه الأردن مقارنة بكتير من الدول العربية عاش بإستقرار سياسي واجتماعي تقريبا ، وما مرّ بأي صراعات طائفية أو انقلابات أو تحولات فكرية وسياسية خلقت هي الحاجة للتمرد والتعبير أو للإنتاج الفني والفكري ودفعته للتغير.
أو بسبب اعلامنا المنغلق على ذاته وعدم وجود بيئة حاضنة للفكر وغياب الإرادة عند الأشخاص يلي قادرين يحدثوا هاد التغيير.
حتى مادة الفلسفة لحد هلأ مو موجودة بالمدارس!
بيخطرلي كتير أسباب بس بتفقد قيمتها لما أقارنها مع نماذج عربية تانية، انتوا كيف بتفسروا يلي عم يصير؟
