Ciao zäme, wende mi leider wegeme ned so tolle ahlige ah eu.

Goht um en arbetsunfall woni kha han letscht jahr (will ned zwiit is detail go)..

Isch e sturz gsi wo zu schwellige am handballe gfüert het, sowit so gued. Bi nach 2 wuche go wiiterschaffe obwohl dschwellig na vorhande gsi esch, de chef het das ahgluegt und gmeind das wird na uusarte.. e wuche spöter bini gfloge (het scho es paar zvill kha wo dauerkrankgschriebe sind..) , temporär, natürlich. s'büro het mer nedmal bscheid geh kha, ha mi diesbezüglich scho ad ombudsstell gwendet, ohni resultat.

Nütdestotrotz bini go wiiterschaffe, mal hie mal da, nüt längerfristigs meh gfunde kha..

im november hani denn en uftrag füre wuche ufde baustell ahgdno, obwohli baustell eher miide, aber han rechnige müese zahle also was sells..

Nach dem uftrag hets denn ahgfange, dschwellig isch vom handballe zum teil is glenk "grutscht" und sit dete isch mini rechti fust futsch, chuum no kraft, und wenni mal kraft ufwende muess tuets halt es ziitli weh, je nachdem zwische stunde und täg, vorallem am oberarm chrampfts abartig..

suva seit es sig kei zämehang zum unfall feststelle, lauft also ned.

RAV seit ich sell mi bim IV füre umschuelig ahmelde..

Jetzt hani vo april bis juni na es 20% arbetszügnis vom huusartzt becho, de will aber keini meh usstelle bis e spezialist das so unterstricht.. de "spezialist" chan keis usstelle will uf röntge und MRI nüt uffälligs sichtbar isch, die offesichtlich vorhandeni schwellig wird eifach ignoriert...

Arbetsloosekass isch immerno am abkläre..

Ha vo november bis jetzt kein einzige stutz meh gseh und weiss langsam ned wiiter.. fürd IV hani au kei grossi hoffnige bi dene medizinische befund..

schaffe wie bisher chani vergesse (handwerklich), mini bewerbige werded entweder ignoriert oder es git absaage..

Wa selli etz mache? Bini dezue verdammt e sozialfall zwerde? Ha mi bis jetzt no strikt gweigered sozialgeld z'bezieh aber langsam gönd mer d'optione uus..

Ich weiss nedmol wani mer vo dem post erhoffe, weiss eifach ned wiiter.. irgendwelchi ratschläg für mich?

LG

De düütschi Bundeskanzler und d Partei CDU hend de düütsche ihrie Psychotherapie weggnoh und jetzt müends es selber zahle. Jetzt wennd vielie düütschi Psychotherapeute zu eus cho. Au anderi top uusbildeti düütsche wend wegem veriftete politische klima zu eus cho go schaffe.

Sölled mir Schwiizer en dankesbrief an Bundeslanzler Friedrich Merz und de CDU schicke das er eus sini beschte lüüt schickt?

Ich wett es Träffe für öppis organisiere, a welem Lüüt us de ganze Schwiiz drah teilnäh wärded. Mache das aber s erschte Mal und bin mer nöd sicher, wele Kanton/Stadt/Ort sich für so öppis am beschte eigne wür? Kriterie wäred, dass d Fahrziit für alli öppe gliich wär und s guet mit em ÖV erreichbar isch, de Rescht luegi dänn. Züri isch für mich offesichtlich gsii, es hätt aber Iispruch gäh, dass für es Paari z.B. Luzärn gäbiger wär. Hetted ihr da eventuell Vorschläg für mich, damits für alli Teilnehmer möglichscht fair isch?

....als das huere längwilige Final luege.

Gester no 9x iglochet und hüt no keis einziges Loch troffe.

Gänf isch jo wie e anderi Wält für üs Dütschschwizer. (Gfühlt)

Mini ehrlichi ungefilterti Meinig isch

+ Wunderschöni Stadt am See

+ Viel Lokal wo me cha ässe

+ mehrheitlich fründlichi Lüt au wenns mit de Sproch nid immer ganz eif isch

+Flughafe relativ zentral und noch

Aber au Kritikpünkt leider

- Gwüssi Ört würd ich au als Maa wenns dunkel isch absolut vermeide. Gebe mir eif unguetes Buchgfühl.

-Bahnhof voller Bettler und Betrüger. Bi mou agsproche worde denne wo ich abblockt ha het er mini ganzi Familie und Vorfahre beleidigt. Polizei nebe dra gsi übrigens und nüt gmacht. Ik gits überall aber in Genf wirkts irgendwie aggressiver.

- An manchi Ört stinkts so hart nach Pissi und weiss ig was. Ha ig in andere Schwizer Städt nid erlebt. Selbst Langstross ned.

Im Gesamt also Schöni Stadt mit viel Lokal zum Mage voll kriege, fründlichi Lüt aber jetzt mini Fründin allei am Obig umelaufe lo würd ig mir scho Sorge mache das öpis passiert. (Ik es cha überall öpis passiere goht jetzt spezifisch um Genf und min Sicherheitsidruck)

Weiss öbber vo euch Dublä was äs Chnörzli isch?

Salü zämä

I bi uf der suechi nach güezi wos früecher im migros oder coop geh het, weiss leider nümm i welem vo beidne.

Es si eigentli vogunäschtli gsi, aber statt em klecks himbeerkonfitüre isch ir mitti aprikose(?)konfitüre gsi. Au der teig isch ni wie vo klassische vogunäschtli gsi (de rauhi mürbteig) sondern eher glatt und isch glaub brun-wiss marmoriert gsi.

I weiss ni ob die no existiere oder usem sortiment gno worde si.

Wenn eber weiss wie die heisse, es bild het oder weiss wome die no cha chaufe wäri änds dankbar!

A hiube

Hallo zeme!

Ich bin vor Kurzem ca. am 02:30 Uhr ufgwachd und da ich mit offenem fenster gshlafe han ish leider eh fledermuus im zimmer gsi (ka wie lang sho).

Ich han grad kürzlich ersht de bitrag glese (www.tagesanzeiger.ch/tollwut-kind-stirbt-in-kanada-nach-fledermaus-kontakt-696930136146), wones kind im shlaf vonere fledermus berührt worde ish und denn an tollwut gstorbe ish. Das ish für mini nerve etz natürlich nid eso gued, will bi tollwuet shnell ghandlet werde muess.

Ich weiss, dasses ide shwiz sehr selte ish und ich gseh au kein biss, die sind offebar aber au mega chli und entsprechend nid unbedingt guet sichtbar resp. füehlt sichs nid so sicher ah, sich uf sixh selber zverlah bimene risiko uf tollwuet.

Ich han dere notfallarztnummere ahglüte aber er het eig gseid falls kein biss = keis problem, falls en biss existiert, denn dringend in notfall will stunde entsheidend seged (ah okay merci). De rest ish eig 1 zu 1 dantwort vo google AI gsi.

Ich bin mir etz wüki unsicher. Ich glaube nid dassi tollwuet han aber better be safe than sorry es git ja au kei heilig sobald symptom uftreted. Aber d'antwort vom telefonarzt het mich aho chli verunsicheret ob dnotwendigkeit bestaht. Er hets wüki abegspielt (vllt au zu recht)

Het mich de bitrag zu sehr verunsichered oder was würed ihr mache?

Update: Ich bin zum Husarzt und han (nach chli diskutiere will ich nid weiss obi bisse worde bin) es rezept für d'impfig becho und denn direkt bide apothek chöne impfe, wills de husarzt nid vorrätig gha het. Ich han mich au viel meh ernst gno gfüehld bide apothek und sie sind super nett gsi. Danke an eu alli🫶🏻

Für die wos interessiert: sind 3 impfige mit mehrere täg abstand dezwüshed. Und tetanus machi auno grad, ish aber sowieso zit gsi zum uffrüshe lah

Basically text. Ich han i minem läbe bereits so viel Dütschi troffe wo hier sit jahre läbe aber ned Schwiizerdütsch spreche, sie verstönd aber alles ohni müehi. Hei sie / heit dir en Grund oder machet dirs eifach so?

Gits da Lüt, wo i de Schwiiz viel Gäld verdient händ und jetzt im Usland wohned, zum Biispiel in Portugal?

Wie isch es hüt für eu? Vermissed ihr d’Schwiiz? Händ ihr hüt es viel komfortableres Läbe als i de Schwiiz?

Ich han mini Traumwohnig gfunde! Jetzt hani nur sproblem, das sie uf de 1. September wäri, lieber wär em Vermieter sogar August, aber das bringi safe nöd ahne...

Het öpper in letzter ziit en nachmieter müsse sueche, innere grössere statt, für eh 1.5 zimmer wohnig? Wie lang isch d suechi öppe gange?

Söllis riskiere, paar mönet doppelti mieti zahle?

EDIT: Mercy eu für dTipps :) Han dwohnig gnoh und scho sehr viel Besichtigungs ahfrage für mini Wohnig!!

Er hets eifach chöne chille und alles wär in Ordnig gsi.

Dem Schweizer Luzian Z. (26) drohen 15 Monate Gefängnis auf Bali https://www.20min.ch/story/beleidigung-dem-schweizer-luzian-z-26-drohen-15-monate-gefaengnis-auf-bali-103603330

Hey Zemä

Am 25. Juli isch Pride in Bern.

Mir vom Verein bunt_lieben geu als Gruppä detä herä.

Wenn ihr mit üs weit mitcho, treffät mär üs am am 11i uf dä chlinä Schanzä u geu den am 12.30 at Demo.

Mir freuä üs au bsunders über nid-queeri Allies wo mit üs zemä ar Pride sind.

(Post isch mit ehm Mod Team agsprochä :)

PS: Bern Pride suächt au no Volunteers damit aui Bar-Schichtä u so chue abdeckt werdä.

dr globi het i dem band gloub si huet verlore oder so. ner nimter e blueme schnidet dr stiu churz und e teil vor blueme ab, cherz um und het es nöis beret. chöntmer das äch öpper fötele?

Siehe Wawrinka, Bencic, Hingis, Golubcic, Klincov, Masarova, Cvetkovic, Kozakova, Hlasek

Ich han Hüt folgendi iMessage übercho. Tatsächlich erwart ich würkli es paar Paket. Aber en Nachricht so wie die han ich bis jetzt no nie becho. Was denked Ihr? Isch das Fake?

Ich han s geschtrige Spiil am Radio uf SRF 3, kommentiert vo Peter Schnyder, Lionel Mattmüller und dä Kathrin Lehmann verfolgt. Super gmacht und vo dänne drüü absolt professional analysiert und kommentiert. Nld in Hauchdüütsch, sondern alles uf Schwiizerdüütsch.

D Qualität vo däne Kometare isch vorallem ganz klar bi dere berüchtigte gelb-rote Charte durre cho. Wos gheisse hätt das dä VAR iigschritte isch, händs sofort erchänt um was das es gaht, um d Schwalbe vom Embolo und das er ä zweiti gelbi übercho und id Kabine gschickt wird.

Wohni dänn spöter dihei die ominösi Schwalbe am Fernseh nahgluet han, isch mr doch göatt dä Nuggi ussetätscht. Am Sascha Ruefer sin zämmegschwaflete Chabis chasch ja echt nöd aalose.

Oh, und ich hasse die digitali Medie. Frühner häsch no dä Beni "Schwafli vo dä Nation" Turnschue uff stumm chöne stell und Live und zytglich a sinner ställ dä Radio Kommentar chöne lose. Aber hüt, mit deme Streams, häsch zviel ungliiche Verzögerige, dass das gaht (PS: S Radio isch i dä Regel es paar Sekunde schneller. )

Hallo zusammen,

ich überlege, mich bei der Stadtpolizei zu bewerben. Allerdings bin ich mir noch unsicher, da man oft von schlechten Arbeitszeiten, Wochenend- und Nachtschichten hört.

Gibt es hier Polizisten, die mir sagen könnten, ob sie den Beruf weiterempfehlen würden? Was sind die Vor- und Nachteile? Oder wäre es eventuell besser, zum Zoll zu gehen?

Danke für eure Erfahrungen!