بالضبط الدولة تنظر للسائح على أنه مصدر دخل مباشر
(فنادق -نقل - مطاعم) ومصدر دخل غير مباشر يعود على المواطن (ضرائب - وظائف - سلاسل إمداد) لا يوجد كما في البوستر الاساسي للمنشور في أي نموذج سياحي ناجح فكرة تخفيف العبء عن السائح السائح يأتي ليصرف لا ليستضاف في الخارج لا أحد يدفع عنك الماء ولا القهوة ولا التاكسي ولا في الفندق لأنك جزء من الميزانية الوطنية ما ضيف في البيت في ردي على الاخ الفاضل اشرت الى نقطة ( الناس بتميل للتقليد ) وبكرة يصبح الدفع عن السياح ظاهرة مثل كثير من الظواهر اللي تسللت الينا خلسة ويصبح توقعا لا مبادرة فردية ويتحول من " لفتة " إلى " واجب " ويبدأ السائح بتقليص إنفاقه لأنه يتوقع من يدفع عنه وهنا الضرر تراكمي وليس فرديا الدولة شغالة تروج للسياحة والممارسات دي شغالة تخرب في جهود الدولة
اختلف معاك فى أمر، بكره يصبح الدفع عن السياح ظاهره، لم ولن يكون، طالما العبء المادي جزء لا يتجزأ عن اصل الظاهره. فى العموم السائح ليس عاله ومع اكرامه فضل لا يزايد عليه غير المسلم.
الغرب سواء الامريكان والاوروبيين فيهم مرض البخل والشح وضعافة النفس يدور المجاني رغم انهم اغنى شعوب الارض لكن بسبب البخل اللي فيهم ما يبان عليهم ابدا حتى لما يسافروا لدول العالم النامي يزاحمون فقرائها على اكل الشارع غير النظيف ثم يشتكون وهم نفسهم خياراتهم سيئة. ظاهرة مسافري الشنطة في معظمهم اجانب غربيين واشتكوا منهم كثير في شرق اسيا بسبب انهم يمارسون التسول. تخيل غربي من اوروبا او امريكا يعني اغنى من ٩٩% من العالم يشحذ عجوزة كورية راتبها التقاعدي ويقبل انه ياخذ منها !! فيه قصة لبريطانية تكاسر امراة كمبودية تبيع شاي بخمسة ريال انها تخفض لها وتاخذه بريالين المراة الكمبودية طردتها وقالت لا عاد اشوفك وانتشر الفيديو اونلاين لفضحة بخل الانجليز باسيا!!!! غير ان اليابان خسرت سياحيا بسبب ان الغربيين يروحون الاماكن المجانية وما يشترون !!
يعزموك؟؟؟ أنا عايش في السويد من فترة طويلة وعندي كثير معارف بعمره ما حد عزمني ودفع عني شيء، لازم أي عزيمة اشترك بشيء ما عندهم ثقافة الضيافة نهائياً ولما يجوا عند بيتي أو بيت أهلي ما يصدقوا كيف نعاملهم زي أهل البيت.
نعمة الاسلام والعروبة لانني ذهبت لمسلمين غير عرب اي اعاجم في بعض دول اسيا ولا يختلفون عن الغرب في شحهم وانعدام الضيافة في ثقافتهم على عكس العربي حتى لو مسيحي او مو مسلم تلاقيه من ثقافته يعزمك ويكرمك.
هي مو معلومة هي قصة حقيقية لمراهق بريطاني كان عند رفيقه السويدي فلما صار وقت الغذاء نادت الأم لإبنها وقالت خلي رفيقك ينتظرك لحتى تاكل وترجع ولما صارت كتير صار في كلام عن السويديين بأنهم بخلاء وشحيحين لكن رغم أن القصة تعكس عرف اجتماعي في السويد إلا أنه في منهم فيه كرم أكثر من غيرهم.
أنا سوداني وزميل لي بالعمل في الشركة سعودي ونسافر مع بعض كتير خصوصا بسبب العمل وكل ما مرينا بطريق وحصلنا سائح يحاول يكرمه ويشتري له اشياء ( ماء - قهوة الخ ) قلت ليه كدا غلط انت جالس الان تضر الدولة في فرق بين الكرم وبين العباطة وسقت له مثل عن كم سفرة خارجية لنا مع بعض
( هل في حد دفع عنّا قارورة ماء؟ ) قال لي لا بس .. قلت له ماف شيء أسمه بس لانه يعاملونك مصدر دخل لخزينة الدولة ما يخفضون لك دولار واحد في الفندق ولا التاكسي الخ .. وأنت هنا جالس تحاسب عنه اللي تدفعه عنه دا أولى تدفعه لاي جمعية خيرية رعاية أيتام أسر منتجة الخ والشيء دا برضه موجود عندنا في السودان انه من العيب تخلي الضيف يدفع ثمن أكل - شرب والثقافة دي حاليا تضر بالبلد وإيرادات السياحة لو أنتشرت وطبعنا معها بتتحول لي واجب والناس أكثرها بتميل للتقليد فاللي يشوفني أدفع بكرة هو ح يدفع برضه وهكذا .. والسائح يخلص إجازاته ويرجع وهو ما صرف 30٪ من الميزانية المخصصة للسفرية
كلامك منطقي وواقعي جداً ولكن فكر فيها من ناحية اجابية انت لو دفعت حق سائح اجنبي انت كذا بتغير نظرته عن المسلمين يعني لو كان هو مسيحي وشاف كرم المسلمين هذا يخليه يعرف ان دين الاسلام هو الدين الحق وبكذا انت كسبت اجر عظيم هذا الهدف من اكرام الضيف حتى لو كان هذا يخسرنا ولكن الاجر بيكون أضعاف مضاعفة ولكن فعلاً الافضل هو نعطيها لجمعيات خيريه تصرفها على المحتاجين ولكن ايضا انك تغير نظرة شخص عن الاسلام وتخليه يدخل الاسلام شيء ممتاز جداً وممكن حتى بعد ما يسلم يصير داعية في اوروبا او الدول الاجنبية الاخرى
أنا وزميلي هذا وجودنا في أوروبا والصين وغيرها اكثر من وجودنا في مقر الشركة بالرياض وشايفين نماذج كثيرة فيها الصالح والطالح خلاصة القول أنه ماف مسيحي بغير دينه عشان كرم وشهامة الخ .. الأثر الواقعي مختلف الكرم وحده لا يترجم تلقائيا إلى قناعة فكرية أو تحول عقدي في عالم الأعمال نقول: النشاط لا يعني النتيجة وهكذا التحول الديني عملية معقدة جدا تتأثر بعوامل معرفية نفسية و ثقافية وتجارب شخصية طويلة ( ليس موقف عابر مثل ان يدفع شخص عني حساب قهوة / طعام ) هكذا مشهد مدفوع الثمن لا يبني منظومة اعتقاد أقصى ما يفعله انطباع إيجابي مؤقت من منظور السائح الأجنبي دا شيء (Customer Perspective) قد يراه لطفا فرديا لا علاقة له بالدين أو سلوك ثقافي محلي أو ببساطة:
( Nice guy free dinner) ولا يوجد التزام ذهني بأن هذا السلوك يمثل الإسلام كنظام قيمي متكامل وبالتالي يجعله يفكر في البحث عن حقيقته وقيمه وأفكاره الإسلام- كأي منظومة فكرية- يقتنع به الاخر (غير المسلم)عبر الاتساق السلوكي طويل المدى و
العدالة و الصدق و وضوح الفكرة و الإجابة عن الأسئلة الصعبة وليس عبر لفتة كريمة معزولة
كيف تسويقية لو الماركتنق بالطريقة دي كان الإعمال أفلست التسويق لا يتضمن الدفع عن السياح وتقليل إنفاقهم باي شكل من الأشكال التسويق الحقيقي هو تعكس قيمة اللي عندك وسعره
بلا سطحيه ماعاد فيه احد تفكيره سليم ويفكر بدينه هالايام خصوصا الاجانب عشان كذا اخر همهم الاسلام هم اصلا يشوفون كل شي بنظره اخلاقيه مجتمعيه مايهتمون للدين
يعني الحين لو حاسبت لقهوة اجنبي بيسلم على يدي من الحركة ذي؟!
ياخي الله يعطيك العافية والله السياح يستغلونا على التفكير هذا، في جمعيات دعاية وإرشاد وهم ابخص بشغلهم انت الي عليك تحيهم وتعطيهم انطباع كويس بأسلوبك وأدبك مو بفلوسك
اقتصادات بلدانهم من اقوى الاقتصادات وحشود من الناس تتكلم بلغتهم وتتبنى ثقافتهم لاقتصاداتهم القوية
على اي اساس حكمتي اني منبطح لهم ما له أي دخل والله اعرف ناس كثير خلوا اجانب يسلمون بسبب انهم وروهم كرم واخلاق الدول العربية ومدى التعاون بين المسلمين مع بعضهم البعض فا لا تقعدين تحكمين على شيء وانتِ ما شفتِ ذا الشيء قدامك
فعلا الاجانب ما يدفع عنك
انا درست وعشت واشتغلت بامريكا وكندا عشر سنين وما عمره احد دفع فاتورتي والحمدالله ما عمري طلبت من احد ولا احتاجت احد يدفع لي....
الكرم ما هو انك تدفع عنه او تعزمه ولكن الكرم انك تبتسم بوجه وتقوله enjoy your stay in the country اذا اجنبي واذا عربي تقوله مرحبا فيك في بلادك الثاني وبس.
يحظهم الاجانب، يجي هنا بفلوسه الزايده و ياخذ منصب عالي في شركه عشانه من اوروبا مع انه مش كفائه و ياخذ اضعاف راتب المواطن الي بالقوه يمشي حاله مرات، و يحاسبون عنه فالشارع عشان شعره اشقر، و لا رجع دولته نزل فيهم سب و يقول مهطف اخذت اشغالهم و ما صرفت شي في زيارتي، بعدين يروح يطالب بترحيل المسلمين من بلده.
و العامل المسلم الاسيوي او العربي او الافريقي بالقوه يحصل شي يجيبله اكل اليوم و ناس تعامله بقلة ادب و ينام في غرفه وحده و نص راتبه يروح عشانها و محد معطيه وجه.
اذا حاسبت عن واحد تعرفه و قريب لك، يفهم انك تسوي الشي ذا تقديراً و محبتاً له
لاكن السياح ذول ما يشوفونها كذا، يشوفون انهم جايين يشبعون ببلاش و يستانسون. بعضهم يحجزون رحلة للسعودية عشانهم سمعوا من اهلهم و اخوياهم ان السعوديين يحاسبون عن السياح، و يزعلون لما محد يحاسب عنهم
الكرم خله مع اهلك، اقاربك، اخوياك، جيرانك، حتى المحتاجين لا تنسوهم. لاكن سائح معه فلوس و جاي يسافر المفروض ما يشم هللة وحدة منك. الدولة مو فاتحة السياحة سبيل، فاتحة السياحة عشان تكسب
صح أنا عمري ٣٦ ومن يوم صغير أسافر ما اذكر واحد دفع عني شي 😂 إذا زرت احد قهوان بس عاملوهم بالمثل إذا احد طق بابك قهوة وعشه اما تشوف واحد تقعد تميلح وتصور تراك تفشل وتضحك العالم علينا
بعضهم يبرر لهكذا سلوك بان يلبسه ثوب القيم والعادات والتقاليد والموروثات الاجتماعية والثقافية والدينية وهذه كلها مجتمعة إذا خرجت من سياقها تتحول من قيمة إلى عبء
غير صحيح سواء العرب ولا الاسيوين بالذات من اشتغل معنا يلتم عليه و ينفزع له و لو تلاحظ الاجانب ذول هم اللي يصورون نفسهم ، و غيره من الجنسيات ما يصور نفسه ولا حنا منتظرين بس عشان توصل لك الفكرة
احنا صرنا مييم بره، خاصه العراق و باكستان و الخليج... سياح يجون عندنا و يلعب عالوتر الحساس لانه يعرف الشعب مضياف و كريم و يعطيك وحده" ثانك يووو"... عرب و آسياويه بيناتنا نتعازم لكن الأوروبي يدفع و هو الممنون على كثر الميزانيه اللي تنصرف عندهم من الطلاب و السياح و الاستثمار و عقود الاستيراد.. pay up b***
خذها قاعدة ان كان صاحبك عوافي، لكن ان كان مجرد سايح ف مع نفسه، عمري ما فهمت فكرة الكرم معهم بالذات، صحيح هي من شيمنا وعاداتنا لكن اشوف الوضع زاد عن حده، لهذا الاختصار على الأصدقاء والمعارف أفضل.
التركي يجلدك اذا جيته ،. المفروض اكرمهم بكل شي الا انك تعطيهم فلوس او تحاسب عنهم ، بلاش نخدمهم وهم مرتاحين راحه ما بعدها راحه خاصه الي عندنا شغل وبدلات وسكن والخ وتجي انت تكملها تساعده يوفر فلوسه
تعبنا و احنا نقولهم للناس بس دايما الاجابة هيا انه هذي عاداتنا وانت مالك شغل انت بخيل لحالك والخ ، طيب لو انت مرة كريم اعطي جارك او اعطي اقاربك اللي عندهم ضائقة مالية او حتى اعزمهم على مطعم حلو مو تعطي الغريب اللي انت تتوقع انه راح يسلم على يدك صدقني هو ما راح يشوفك كريم راح يشوفك شخص عنده فلوس زايدة و مو عارف كيف يضيعها ببساطة ، واصلا الاجانب اللي اسلموا او راح يسلموا ما راح يكون بسبب كوب قهوة ولا عشاء راح يكون بشيء فكري او موقف قوي زي حرب او انقاذ من حريق الخ يعني شيء قوي و هذا الشيء ما يخليهم يسلموا بشكل مباشر بل يخليهم يفكروا بس اتمنى يفهموا هذي الاشياء.
الغرب سواء الامريكان والاوروبيين فيهم مرض البخل والشح وضعافة النفس يدور المجاني ويسمع ان العرب كرماء بيغدقونه بالاكل والهدايا يجي يركض ويتطفل عليك. رغم انهم اغنى شعوب الارض لكن بسبب البخل اللي فيهم ما يبان عليهم ابدا حتى لما يسافروا لدول العالم النامي يزاحمون فقرائها على اكل الشارع غير النظيف ثم يشتكون وهم نفسهم خياراتهم سيئة. ظاهرة مسافري الشنطة في معظمهم اجانب غربيين واشتكوا منهم كثير في شرق اسيا بسبب انهم يمارسون التسول. تخيل غربي من اوروبا او امريكا يعني اغنى من ٩٩% من العالم يشحذ عجوزة كورية راتبها التقاعدي ويقبل انه ياخذ منها عشان يحجز تذكرة عودة !! فيه قصة لبريطانية تكاسر امراة كمبودية تبيع شاي بخمسة ريال انها تخفض لها وتاخذه بريالين المراة الكمبودية طردتها وقالت لا عاد اشوفك وانتشر الفيديو اونلاين لفضحة بخل الانجليز بآسيا!!!! غير ان اليابان خسرت سياحيا بسبب ان الغربيين يروحون الاماكن المجانية وما يشترون ويدعمون اقتصاد اليابان كرهوا السياحة من بعد ما حاشروا اليابانيين على الاماكن المجانية !! لذلك انا كعربي سعودي لا يمكن بل مستحيل اكرم شخص غير عربي وانا متعصب ومتطرف بهالشي حتى الاجانب غير الغربيين ما اكرمهم لان الكرم ثقافة لا يفهمها ولا يقدرها الا العرب اما الباقي يشوفك هطف يستغلك ويستغل كرمك لانه لا يفهمه ولن يكلف نفسه ويمارسه معك سيكون مجرد عالة عليك ياخذ ولا يعطي ! لذلك وفروا كرمكم على اهلكم وجماعتكم والعرب قومكم فقط
محا يفهموا اللي عندنا لازم لهم حملة توعية من الوزارة افتكر الاجنبي اللي قالوا له بنجي نتزوج من عندكم بعد قلك اخذوه معاهم في السيارة واكلوه معاهم قام وجهه اتقزز اظن الفكر عندنا على الله
الي يحاسبون عن السياح الأجانب طعوس ماعندهم كرامة نعم ليه نحسسهم انه شكرا جيتو عندنا وتعالو نسوي كريمين وندفعلكم واحنا اي مكان نسافرله ينصبون علينا ويشفطون فلوسنا
الي مقطعه الكرم يحاسب عن الخليجي ناس شايفه خير وتستاهل
بصراحة بعض الأشياء غلط في الصورة، أهمها أنه بأوروبا بشكل عام يحاسبوك على كيس البقالة عشان هذا المتعارف فيه (مع الأسف بسبب جشع أصحاب المشاريع الفاحش) وبشوف أنه هي بركة من البركات يلي الله عطانا ياها أنه ما في هالقرف في بلادنا.
لكن بغض النظر عن المغلوطات أتفق بأن الشخص مش مضطر يحاسب عنه، ابتسامة حلوة وضيافة صغيرة على قده (لو قطعة شوكولا صغيرة) كافية لتترك أثر في هذا الإنسان وتعطيه إنطباع إيجابي عن المسلمين.
فينا الكرم والضيافة في عاداتنا. وفي العادة إلا يحاسب عنده المقدرة. وأسهل طريقة أنك تعرف الغريب أنه يكون سائح. أنا عني في محلي إذا جاني غريب، في مدينتنا الصغيرة، أضيفه بشاحن جوال وإلا شاي أو قهوة
ضحكتني وحدة فاتحة مسابقة ايش اكثر منطقة اهدوها🤣
طبعا ماوقفت على الحساب وبس تجيها ارطال هدايا
لدرجة هي نفسها انحرجت بفديو القصيم، عزمها واحد تاكل معمول وكليجه حقت ابوه قامت تشرح للمتابعين ترا هم مايوزعون مجاني🤣 يعني هي نفسها ماشافته كرم قالت يبونها تروج لهم هذا، ودخلوها مكان حمس القهوة والله لو انها وزير الصحة مدري التغذية🤣🤣 جاية تسوي جولة تفقدية على الاكل. والغبية جاية مسجد النبي مع بويفرندها بس زين مادخلت.
اذا بيخالفون اقلها خلوهم يرفعون اقتصادنا قبل يروحون
طبعا اسم قناتها 20camel عشان المصداقية ولا لحد يروح يكتب شي ويفضحنا زيادة بعد ماطلعت بس مثال عشان نكون رزينين ومانزودها
عن أبي هريرة رضي الله عنه : أن رسول الله صلى الله عليه وسلم قال : ( من كان يؤمن بالله واليوم الآخر ، فليقل خيرا أو ليصمت ، ومن كان يؤمن بالله واليوم الآخر ، فليكرم جاره ، ومن كان يؤمن بالله واليوم الآخر ، فليكرم ضيفه ) رواه البخاري ومسلم .
ذا الأجنبي اللي تدفع له ما بيغير شيء لا ايجابي ولا سلبي بدولتهم و تعاملهم معنا او مع باقي السياح، لأنه بالنهاية مجرد شخص على قد حاله حب يجي يشوف البلد و يستكشفها و يوم تجي انت و تدفع له بيشوف انه شيء كبير و ما تدري كم واحد بيقوله هالقصة و قد ايش هو ممكن يحب المكان و يحب الاسلام و ممكن ربنا يهديه بسبب هالفعل، لا تصيروا مرضى و تفكيركم كله كيف عاملني و كيف عاملته، تعاملوا بما اخبرنا به الرسول عليه الصلاة و السلام وهو حسن المعاملة و اكرام الضيف
والله فعلاً .. م يخالف ي زين الكرم والطيب بس فيمن يستاهل ويقدر هالشيء مو اللي يشوفه حق من حقوقه؟ .. قبل فترة ناسي المقطع والله بس شفت سياح مستغربين ويشتكون بس ليش؟؟ عشان طلبوا قهوة من الكوفي وخلاهم يحاسبون عليها؟؟؟؟ اغرب شيء بالحياة والله يعني حرفياً صاروا يشوفون حق من حقوقهم إنك تخدمهم وتكرمهم وتدفع عنهم؟ والموضوع يطووول لأن هذي عقلية الأجانب برا وكيف لو لقوا عربي عندهم يدرس أو شيء يصاحبونه ويشفونه مانح وهم مستقبلين ... موضوع غريب إنهم يصنفون الناس مانح اللي يحب يعطي .. ومستقبِل اللي يحب يأخذ .... وفعليا يعيش على الشيء عادي نكون اصحاب واكون احب اخذ منك وانت تعطي؟؟ شيء عجيب والله هل ذول يستاهلون تكرمهم؟؟
ولابد والله يتوعون اللي عندنا ويبطلون هالشيء والله ي زينننها من صفات والله سبحانه يحب الكرم والجود .. بس ذول يشوفون هالشيء صار حق من حقوقهم أبوك يالضحك .. باختصار اللي يجيك بيتك أكرمه وضيّفه مو عنصرية بس حنا نقدر بعض ونحب هالصفات ومثل م نعطي ناخذ والعكس بحكم إنه هذا مجتمعنا بس اللي جايين من برا لا شايفين الحياة سرفايفل وكيف أخذ اكبر قدر ممكن بدون م اعطي طبعااا م اعمم بس هذي مجتمعاتهم للأسف.
اخلاق العرب وكرمهم في التجارة خارج حدود الجزيرة العربية دخل ناس كتير الاسلام وحببهم في السلام لان مش معنى ان الاجنبي مش بيكرمك انت متكرمش
انت مسلم ودينك امرك بالكرم وهو بالنسبالك ضيف
هو مش محتاج فلوس بس لو عزمته على قهوة وهو بيشتري منك هتبقى بادرة منك كويسة وابقا حاسبه بعد كدا عالجمل الي هيشتريه مثلا
مو بس انك تدفع عنه
ايضا منت مجبور انك لازم تهلي وترحب فيه كل ماشفته سواء بالشارع او بالسوق
شوف انت لو رحت بلادهم شوف اذا تلقى احد يعبرك حتى أو يهتم فيك وعساك بعد تسلم من شرهم وهذا
وانت جاي بفلوسك محد له فضل عليك
وتراهم اذا رجعوا بلدهم وبين بعضهم دائما يسخرون منا ويسبونا
منت ملزم تكلمه او تتعامل معه اتركه بحاله إلا إذا طلب مساعده تدله على الطريق او مثلا متعطل بخط سفر
ياليت يفيد البوست بس لو نكتب عريضة مايفيد في ابو راس مربع يمشي ويحاسب عن كل سائح واذا كان من الوايت بيبول وشعره اشقر وعيونه زرق ولا خضر ذا نكست ليفل يعزمه ببيته وياخذه فره بكل مكان سياحي طبعا الكرم مايطلع على الاقربون الي هم اولى بالمعروف لا لازم اجنبي ولا مايحس انه كريم مايدري انه مخفه وسفيه الاجانب يسوقونه سوق زي الغنم ويطلعون بمواقع التواصل يقولون مادفعنا ولا شي ويجون غيرهم واذا ماشافوا ذا الكرم يزعلون اذكر فيه سائح زعلان شاف مقطع لواحد مادفع شي يوم جاء هنا طلع يسب يقول دفعت انا كل شي وين الي يدفعون عني ناس فاشله لو تناقشهم يقولون حنى اهل الكرم وكرمنا على الكل ياشيخ الله يشغلكم بنفسكم جبتوا لنا سياح الحقائب يجي يشيل قشه بشنطة بظهره ولا حتى يرفع اقتصاد الدوله ولا يحجز فندق بس يجيب ورقه مكتوب ابحث عن سكن ويلزقها بشنطته والمخفات ذول بيجونه يعرضون عليه غرفه او يحجزون له فندق واتمنى مايجون لنا المتسولين من حركاتهم البايخة
عاد فهم المنبطحين اللي يتخيلون انهم بغباءهم و حركاتهم ذي انهم راح يشبكون الاجنبي وتسير قصة حب 😂.
اتذكر وحده غربيه تقول ولدها كان يبكي و جاها رجال سعودي و اعطاه حلاوه وقام يلعبه.
يعني ليش استنقاص النفس عشان تبان بطل وانت لو ولدك يبكي و زوجتك مي قادره تسكته تجلس تصارخ عليها "دوشتيني انت و ولدك انقلعو عني او بروح الحوش ابرك من مقابلكم"
فينا ضعافه اتجاههم والا نبغى رضاهم مع ان الله ذكر انهم ماراح يرضون عنا حتى لو تبعنا ملتهم.
والله قولوا اللي ودكم تقولونه انا بعزم. الكرم من سمات العرب من قديم الزمان، ولا اتوقع ان عزيمتين هنا وهناك بتكسر اقتصاد الدولة مرة بالعكس بتعطيه صورة جميلة عن ناسها وتحفزه يكلم اصحابه يجون، إلخ. الكرم جزء من هويتنا، لا تصيرون بخلاء. طالما هو دفع ولو ريال واحد عالأقل في رحلته احنا مستفيدين.
لا حول ولا قوة إلا بالله عندكم مشكلة مع الدرعمة وضعف قدرة استيعاب القراءة انتوا، الحين هل انا قلت نكرم الأشقر بس؟ الحين تقدر تجزم وتحطها بذمتك اني ما قد عزمت هندي؟ إكرام الضيف من سمات العرب من قديم الأزل
ما يشوفونه كرم اصلا بالدرجة الاولى، هو جاي يتعشى على حسابك و يمشي و لا درى عنك، و بيرجع ديرته يقول شوفوا الهطوف ذولا معطينا وجه لحد يجيب فلوسه خلهم هم يدفعون عنكم
الكرم للضيف مب للسائح اللي جاي يتمشى و ماخذها نزهه، وهم اصلا ما يعتبرونه كرم يعتبرونه هطافه و اننا اقل منهم
اها تبيهم يقولون انك كريم يعني يمدحونك و لا ماتكرم الناس و مافي احد يقول شوفو هذا هطف اكرمني هذا الكلام طالع من عندك ( اللي يكرم الناس عشان تمدحه هذا متوعده الله يوم القيامه ) فاهمين الكرم غلط انتم .
لول انت اللي تلف و تدور و تحور المعاني، رح يا روبن هود و اكرم السياح و خلهم يشوفونك البطل القومي حقهم و حط معنى جديد للكرم و الهطافه بالاخير بيشوفونك انسان مهان ما عنده كرامه قاعد يحاسب عنهم بدون سبب، اذا ترضى على نفسك كذا تفضل
لا ماهو طالع من عنده زاملتهم وصادقتهم اغلبهم إذا حاسبت عنهم ياخذون عنك فكرة شبيهة بسمعة الهنود مع الاوروبيين، أنت مو الوحيد الي تحتفي فيهم وتكرمهم لاجوك هذي تصرفات اغلب شعوب العالم، الغربي ما فسر كرم واستحسان التايلندي والفلبيني والهندي له على أنها عاداتهم ايش بيخليه يفرق بينك وبينهم وما يناديك هطف معهم؟
ليش ما تصير احسن منهم، ببساطة؟
صح الظاهر الان هو زيادة الدفع عن الاجنبي بس ماتصير سلم وعادة لان هذا يقلل العائد في قطاع السياحة
بس بنفس الوقت هذي عادة حميدة وقوة ناعمة
انا بس بختلف معاك في شئ هو حوار التركي لو انت غي منطقة سياحية طبيعي الاسعار بتكون مضروبة في ٣ حتي لو ابناء البلد و الكلام ده في اي حتة سياحية سواء عند برج ايفيل او عند الاهرامات
طول ما بتشتري من واحد شغله علي السياح حتلاقي سعره مبالغ فيه و لو مشيت عن الشخص ده و رحت محل بيقدم نفس المنتج في منطقة عادية حتلاقي سعره عادي
حنا عرب الجزيرة من قبل الاسلام نكرم القريب و البعيد ما دورنا رد الجميل من احد و ذول اجانب ما عليهم شرهة ولا احد يعلى علينا بالطيب ، ولا تقول لي ذاك زمان و هذا زمان هذي اشياء في النفس ما تتغير الا اذا دنت النفس فقط .
اكرمه اذا مثلا تصرفه كان مثل اي تصرف شخص تعرفه و تعزه زي مثلا انه يحاول يرد الجميل و يحاول يمنعك ماتدفع و احيانا يزعل اذا دفعت لانه عندهم الشي ذا مو طبيعي و فيه اجانب زي كذا بس احس مره قليل
الضيف هو اللي تناديه وتعزمه و يجي بيتك او غيره فهذا تكرمه و تعزه و تضيفه و بينكم معرفه او علاقه او قرابه او موده او احترام او غيره.
السائح رجل غريب تماما جاي من بلاد بعيده و بس لمجرد انه مر بالصدفه عند محل او شارع تدفع عنه بمبالغ هو اصلا كان مجهزها للسفره و لاهو متوقع اصلا من احد شيء و ابسط شيء مطلوب منه انه يدفع تكاليف رحلته اللي هو بكامل قواه العقليه قرر يسافرها و مجهز لها
عابر السبيل هو المسافر اللي انقطع به الطريق، لكن عدم دفع المال عن سائح معه كاش و جاي يشتري من حر ماله زي ما البوست موضح مو "منع للخير"
اذا لا سمح الله انقطع به الطريق و احتاج مساعده او نفذت نفقته معاك حق هنا لازم نفزع له وهذا وصى به الاسلام و هنا يكون عابر سبيل، اما غير كذا خله يدفع من فلوسه ببساطه، ليش الموضوع لهدرجة صعب ينفهم ؟
عزيزي صاحب المنشور، كون الاجانب بخلاء أو غير محترمين هذا مايغير من تربيتك ومبادئك. انت ماتدفع عنه من باب المصلحه أو التملق، انت تدفع عنه لانك شخص محترم وكريم فلا تغير من تربيتك ومبادئك عشان هم تربيتهم ومبادئهم سيئه🙏🏼
ان كان هذا اللي تعلمته في حياتك فـ واضح انك تحتاج الاهتمام وتحسب الفلس هي اللي تجيبه، لكن الله يكون بعونك على تفكيرك ذا، حيث انك تشوف الكرم محاوله فاشله من الكريم انه ياخذ اهتمام، الله لايبلانا.
216
u/someoneneedcomfort Jan 24 '26
شكرا لاتدفعون عن احد بس عشانه سائح ترا الدوله فاتحه السياحه تكسب مو سبيل