r/SaudiForSaudis • u/[deleted] • Jan 17 '25
Discussion | نقاشات 💬 خويي بكى قدامي
انا توظفت قبل خويي وهو قعد فتره عاطل، طبعاً الرجال كان كل شهر يطلبني مبالغ بسيطة من ٢٠٠ الى ٣٠٠ بالكثير ، وطبعاً كنت اعطيه من باب الفزعه والرجال وضع اهله المادي سيء على قد حالهم، على العموم مرت الشهور وخويي توظف وبوظيفة راتبها كويس وجداً فرحت له، طلعت مع خويي امس غيرنا جو واستانسنا وفي نهاية الطلعة وحنا بالسيارة الا فجأة يعطيني ظرف وقالي هذي فلوسك الي عطيتني اياها في الشهور اللي فاتت، طبعاً انا علطول رفضت الفلوس ، وهو اصر اني اخذها وقلتله بشكل حازم ان الفلوس اللي اعطيتك اياها ماهي سلفه عشان ترجعها لي هذي فزعة مني لك والفلوس هذي انا مانيب حاجتها عطها اهلك افضل ، طبعاً الرجال سكت كذا ابو دقيقة الا فجأة قام يبكي الولد لخم حياتي الشخص هذا اعرفه لي عشرة سنين اول مرة في حياتي اشوفه يبكي ، قام يشكرني ويمدحني وهو يبكي ، طبعاً تداركت الموضوع و رميت ذبه والولد قام يضحك ورجع طبيعي ، ثم جاء وقالي يا فلان ابغاك تناسبنا ، زوجتك عندي وابغاك تتزوج اختي، لا حول ولا قوة الا بالله ثاني مره يلخمني ، انحرجت بشكل جداً كبير ورفضت بأدب وقلتله امي حاجزه لي بنت خالتي وانا نصاب، بس اني ما ابغى اتزوج اخته لي اسباب شخصية ما ابغى اقولها وما ابغى ارفض بدون عذر عشان ما يزعل مني خويي ، واخيراً قفلنا على الطلعة وقالي يا فلان اذا احتجت حاجه ولا شي انا موجود ، طبعاً الرجال نشمي وكفو والنعم فيه بس ما توقعت انه يعزني لدرجة انه يبغاني اتزوج اخته ، الى الآن مصدوم ولا قدرت انام بسبب الموقف هذا .
252
u/dody-123 Jan 17 '25
انت لطيف وهو لطيف والقصة جميلة
الله يرزقكم من اوسع ابوابه جميعاً
30
22
u/Capital-Reaction2502 Jan 17 '25
ما اتوقع انه لطيف ابدا، غالبا اسمه عبدالله وخويه اتوقع ريان. القصة جميلة فعلا.
15
1
u/dody-123 Jan 17 '25
ليش طيب اتفقت انه القصة جميلة يمكن القصة لطيفة او سعيدة.
4
u/Capital-Reaction2502 Jan 17 '25
حسستيني ان عندي ٢٠ شخصية علشان يتفقون على قرار، هي كلها ثلاث شخصيات واعتقدوا ان القصة جميلة
7
-8
57
51
36
15
Jan 17 '25
ماشاءالله تبارك الله صحوبتكم ينضرب بيها المثل ، الله يرزقني صحبة نفسها
-11
15
u/earnaout Jan 17 '25
ماشاءالله تبارك الله ربي يديم صحبتكم ويوفقكم لكل خير حقيقي اول مرك اقرا بوست بريديت وانبسط لهالدرجة
- انت ماشاءالله عليك كنت راعي فزعة ووقفت مع خويك بوقت عصيب بالنسبة له ، وواضح من ردك فعله ان هالميتين والثلاثمية رغم انها مهي بكثيرة الا انها كانت تعنيله كثير
- وهو برضو ماشاءالله عليه نشمي وما نسى وجحد المعروف واول ما توظف حاول الا والا يرد المبالغ واعتبرها دين بذمته
12
u/Besh_a Jan 17 '25
شلت هم خويك لا يقرا السالفة هنا
6
Jan 17 '25
لا تخاف مافي احد اعرفه بالحياة الواقعية عنده ريديت هههههههه، التطبيق هذا غير مشهور عندنا
12
u/Powerful-Big-1700 Jan 17 '25
هههههههه هذا الي كنت اتوقعه الين ما عرفت ان اختي عندها ردت وحتى اصحابي بس محد يقول للثاني والكل متوقع انه محد عنده ردت
6
25
9
u/InfernoRiot سعودة الصب مطلب Jan 17 '25
انت و خويك كفو و رجال ونعم فيكم ولله ما شاء الله، اسأل الله يدوم صحبتكم الصالحه و يجمعكم في جنته اللهم آمين 🤍✨
2
6
u/Sufficient-Drive4013 Jan 17 '25
كل هذي الوقفات الي وقفتها معه ومستغرب من معزتك عنده
الله يوفقك والله قليل مثلك
8
5
10
u/Icypinkmoon Jan 17 '25
صراحة موقف جميل ، يعني شعور إن أحد ماينسى وقفتك معه ويردها لك بعد سنين هذا يدل على ان معدنه طيّب وأصيل الله لا يغير عليكم 🥹💕
5
u/Learner_02024 Jan 17 '25 edited Jan 18 '25
وااااه علاقتكم راقية وجميلة ، استمتعت وأنا اقرأ شكرًا لكم ، شكرًا لأخلاقكم ونفوسكم الطيبة.
4
4
u/Juba-9 Jan 17 '25
الله يجزاك خير، ما تتخيل شكثر فكيت كربته عشان كذا بكى، قهر الرجال، لو كان الفقر رجلاً لقتلته!
4
5
3
Jan 17 '25
مره اشكرك على تصرفك معه والله. وطبيعي يبكي كل شخص ويجي هاليوم اللي ينضغط فيه فا ياه. الله يوفقكم ويرزقكم يارب
8
3
u/Uchiha-Natachi Architect Jan 17 '25
ما شاء الله تبارك الله, الله يديم الصحبه الطيبه و تكونون اصدقاء خير لبعض
3
u/nuclearlady Jan 17 '25
من فرج عن مؤمن كربة فرج الله عنه كربة من كرب يوم القيامة الله يجزاك خير و يكثر من امثالك اخوي.
3
3
3
3
3
3
3
u/Old-Guidance-7985 Jan 17 '25
يمكن انت الهدية الي الرجال حب يقدمها لأخته من حبه ومعزته لها مش العكس. يمكن شاف فيك دين وخلق ورجولة في زمن تندر فيه هذي الصفات
3
u/not-ok1 Jan 17 '25
يعطيك العافيه صراحه والله يعطيك على قد نياتك
اما اختة وش دخلها؟ 😂😂 رحمتها انحطت بالوسط الله يرزقها واضح انه يعزها ولا كان ما قالك عنها بتوفيق له ولك 👏🏻
2
2
2
2
2
2
u/Able_Wishbone_2879 Jan 17 '25
إلا رجال و انتا رجال رب اخ لك لم تلده امك الله يديم بينكم الصحبه الطيبه
2
2
2
u/BAA960 Jan 17 '25
بيض الله وجهك يا الامير والله يرزقكم انت وخويك من واسع فضله يارب العالمين هذي دعوتي لك في عصر الجمعة
2
2
2
2
u/maamoul12 Jan 17 '25
الله يجزاك خير على تصرفك معاه والله يديم صحبتكم. شيء جميل ان شخص تعرفه من زمان وده تناسبهم وتتزوج اخته هذا شيء مفروض تفخر فيه. طبعاً إذا الموضوع ما يناسبك مو غصب، بس خذ الموضوع أنها طريقة من طرقه في التعبير عن تقديره واحترامه لك.
كون أنه حاول يرجع لك فلوسك بعد كل هذا الوقت معناها انه شخص أمين ومحترم و الله يديم صحبتكم
2
2
2
2
u/xKatarina12 Jan 17 '25
نيتك طيبة هذا ان دل دل على التربية الطيبة والصالحة الله يحفظك ويحفظلك احبابك وجميع المسلمين ي رب
2
2
u/Rare-Support5862 Jan 17 '25
في مثل يقول أخطب لبنتك ولا تخطب لولدك وخويك شاف أنك نشمي وأجودي وحاب أنه يتشرف بنسبتك لهم
2
2
2
2
u/-mita Jan 18 '25
الحمدلله لك يارب على هالشخص الي جاك والحمدلله لقيت الي كذا والله كمية معزه تجي للشخص الي كذا بشكل كبير الله يديم هالحال عليكم وعلى احبابنا
2
2
2
u/WAANMN19 Jan 18 '25
لو انا مكانك، اقوله اني محتاج واتسلف منه بين كل فترة وفترة وارجعها له حتى لو انا منب محتاج ، عشان لو سبحان الله احتاج شيء منك بعدين يصير ما يستحي وكلكم تعتادون على الموضوع.
2
2
2
u/Fickle-Departure-228 Jan 19 '25
انت ما قصرت معاه وفزعتله في اكتر وقت احتاجك، وهو مقدر كل شي وما استغلك وبالعكس يبغا يرجعلك المعروف.
نادراً جداً تلاقي اصحاب يقدروا فزعة اصحابهم بدون استغلال ومصلحة. الله يوفقكم يارب و ربي يرزقني بناس زي كده
5
u/sunshine_real2 Jan 17 '25
الله يديم صداقتكم، بس وش دخل البنت بالسالفه !! عايشه حياتها طبيعي فجأه اخوها يبي يزوجها بدون علمها
16
4
2
u/Bulky-Teaching7870 Jan 17 '25
بحسن الظن و اقول انه يبغى يشاور اخته و يعطيها حق الرفض عشان القصة عجبتني
1
1
u/inegative Jan 17 '25
قصتي مثل قصتي مع خويي لكن الفرق مره هو يتوظف وانا عاطل ومره العكس صارت اكثر من مره السالفة ذي طبعا الحمدلله محد بكى 😅
وكل مره المتوظف يفزع للعاطل وان شاء الله محد يحتاج احد وامورنا كلنا تتيسر.
1
1
u/Sweaty-Initiative915 Jan 19 '25
خويك ماهو كفو ولا نشمي اللي يعطيك اخته مكافأة! مرض الشور لها مو له
1
1
1
u/its_Jaana Sep 27 '25
قصة جميلة وش يصدمك ؟ تعاملك مع صديقك رائع وتعامله معاك رائع وهو شافك كفو وتناسب اخته يعني .. وما قالك كذا الا من معزه
0
u/Fantastic-Setting321 Jan 17 '25
ليه ماتبي تتزوج اخته
2
1
u/PM_ME_B00BS_PLSS Jan 17 '25
مع احترامي للمرجلة حق الاثنين والسالفة الرهيبة.
من يبي يتزوج وجه خويه. 😅
3
u/Itchy_Hand2156 Jan 17 '25
اما عاد تحسبون الوجوه نفس بعضها ، ترا مره يختلف ههههههه
1
u/PM_ME_B00BS_PLSS Jan 17 '25
وش درانا 😅 عمومآ لو نجي للواقع والواحد كل ما يتقدم بالعمر يبي بس وحدة تريح راسه. تصون نفسها وعياله.
ما تبغى شخص يمسخرك ويمسخر أسمك. ف غالباً نختار البنات عن طريق الرجال.
1
1
-6
Jan 17 '25
اخته وهو يعزم عليها
16
Jan 17 '25
[deleted]
2
u/PM_ME_B00BS_PLSS Jan 17 '25
صحح. الواحد يحب اخته لدرجة يبي لها شخص كفو تعتمد عليه العمر كله! والناس معادن!
-4
u/Guilty_Software2849 Jan 17 '25
والله اظن عرفتك و عرفت خويك. انت تشتغل في ارامكوا و ساكن ٩١ ؟
34
0
0
-19
-13
u/memlle Jan 17 '25
لطيف بس ليه يعرض اخته عليك؟ واخته مالها رأي ولا حياة يعني؟
20
Jan 17 '25
[deleted]
0
u/memlle Jan 18 '25
ما فيه اي وجهه مقارنه حتى
لما الاخت تقترح على صحباتها اخوها فأخوها اصلًا قد فاتحها بالموضوع انه يبغى يتزوج وخلاص مستعد نفسيًا وماديًا
اما هو لا فاتح اخته ولا يعرف اذا اخته مستعده نفسيًا ومع ذلك عرض على صاحبه اخته فكيف تشوف بينهم تشابهه حتى؟؟؟
وبعدين بتقنعني ان اخوها بيرضى لو قالت "لا"؟؟؟ بيقول لها " انا قلت كلمتي للرجال لا تكسرين كلمتي عنده" وياكثر "الزيجات" اللي صارت بهذا الاسلوب
-4
-3
-47
u/saram- Jan 17 '25
اييييو يكافئك بأخته وع عليه
25
u/Slivenx رهين غرفته Jan 17 '25
اخته لها الحق ترفضه مهي سلعة ترا، ووش دخل المكافأة الرجال يعزه ويبغى يناسبه من باب معزتهم، لسنا فالجاهلية
-17
u/saram- Jan 17 '25
المنطق لوحده مؤلم
8
u/Slivenx رهين غرفته Jan 17 '25
تعرفين شروط الزواج فالاسلام؟ فيه حاجة اسمها الايجاب والقبول، لو انك رجال وقدمت على بنت لازم ولي امرها يوافق على زواجكم ولا ما يتم الا في بعض الحالات، فلما الرجال قال تزوج اختي هذا قبول فيه بس واذكر ان البنت تقدر ترفضه اذا تبغى
7
u/L0neW0lff77 Jan 17 '25
لا تتعب نفسك بالردود على هالنوعيات
2
u/Slivenx رهين غرفته Jan 17 '25
ابن عثيمين قال لنا بمزاحمة اهل الباطل
2
u/L0neW0lff77 Jan 17 '25
أنت لا تزاحم الباطل كما كان زمن ابن عثيمين رحمة الله عليه ، أنت في زمن الآن أصبحت أنت محاط و مزحوم بالباطل. أصبح القائل بالحق غريب. و لا بأس كونك غريب ، فالرسول عليه أتم الصلاة و التسليم قال : " طوبى للغرباء " . من رأيي ، لا تبلي نفسك في الرد ما دام بعيداً عن الثوابت. رد تافه لانتقاد لشخص في طبع بشري. لا يستحق الرد مهما كان نبل هذا الطبع.
و بعدين هذولا مو أهل باطل ... هذولا attention seekers .... لا مبدأ ولا منطق و لا فكر ... أهل الباطل فيه شوية ادراك و إن صاحبه ضلال ، هذولا الواحد منهم يبحث عن التعليق الذي يثير الغالبية و يعاكس التيار ليشعر بالأهمية و أن الناس ترد عليه. ولا هو من جنبها.
انسان ذو طبع حقير لا وجدان ولا ضمير.
1
u/Slivenx رهين غرفته Feb 14 '25
صدقت جزاك الله خير
2
u/L0neW0lff77 Feb 14 '25
و من قال . أنت انسان ذو قيم عالية . الله يثبتك على طريق الحق و هو شائك الله يكثر أمثالك.
1
u/Slivenx رهين غرفته Feb 14 '25
والله انت ذو القيم العالية جزاكم الله خيرا، الله يرزقنا الثبات والشهادة جميعا بإذن الله
9
u/FoodInternational144 Jan 17 '25
الله يهديكي الهرجة مو كذا، هوا من كثر ما انه يعزة يباه يصير جزء من العائلة وكمان ذا يدل انه يثق فيه انه ماحيقصر مع اخته وحيكون معاها كويس
-6
-5
-2
-4
238
u/Altruistic_Idea8860 Jan 17 '25
يارب صحبة صالحة وطيبة مثل كذا. الله يحفظكم ويبعد عنكم كل مكروه